Ստեղծվել է սոսինձ, որը «կարում է» վերքերի եզրերը

ԵՐԵՎԱՆ, 7 հոկտեմբերի. /Նովոստի Արմենիա/. Գիտնականները թեստավորել են իրենց գյուտը մկների և խոզերի վրա:

ԱՄՆ-ի և Ավստրալիայի կենսաբանները ստեղծել են բացառիկ սոսինձ, որի օգնությամբ հնարավոր կլինի սոսնձել վերքի եզրերը և «կարել» փափուկ և նուրբ հյուսվածքները, ինչպիսիք են թոքերը կամ զարկերակները: Այդ մասին գրում է REGNUM-ը: Գիտնականների խոսքով, սոսնձի առավելությունն այն է, որ այն մաշկի հետ շփվելով ակնթարթորեն վերածվում է դոնդողանյութի, ինչի շնորհիվ այն չի մաքրվի վերքը մշակելիս:

Այդ սոսնձի կիրառման ներուժը մեծ է, սկսած վերքերի «սոսնձումից» մարտի դաշտում կամ տարբեր աղետներից հետո և ավարտած վիրահատություններով:


«Մենք ցույց տվեցինք, որ մեր մշակումը կարող է աշխատել ամենատարբեր պայմաններում և լուծել նույն խնդիրները, որոնք չի կարելի վերացնել այլ սոսինձների օգնությամբ»,- Science Translational Medicine ամսագրում բերվում են Սիդնեյի համալսարանի պրոֆեսոր Էնթոնի Վայսի խոսքը:

Գիտնականները փորձարկել են իրենց մշակումը մկների և խոզերի վրա: Նրանց վերքերն ամբողջովին բուժվել են նախքան սոսնձի ներծծվելը: Վիրահատված բոլոր կենդանիները ողջ են մնացել: Գիտնականները մտադիր են փորձարկել սոսինձը կամավորների հետ, ինչից հետո թույլտվություն ստանալ կլինիկական պրակտիկայում օգտագործելու համար: -0-