Հայկ Հարությունյանը հեռանում է Բյուրականի աստղադիտարանի տնօրենի պաշտոնից

ԵՐԵՎԱՆ, 10 հունիսի. /Նովոստի–Արմենիա/. Բյուրականի աստղադիտարանի տնօրեն Հայկ Հարությունյանը չորեքշաբթի կազմակերպված ասուլիսի ժամանակ հայտարարել է, որ հեռանում է զբաղեցրած պաշտոնից։

«Ես արդեն այն տարիքում եմ, որ չպետք է գլխավորեմ պետական ոչ առևտրային կազմակերպությունը», – ասաց նա։

Հարությունյանը նշեց, որ աշխատում է աստղադիտարանի աշխատակազմում 1986 թ.–ից և կշարունակի աշխատել այնտեղ, սակայն` արդեն ոչ որպես տնօրեն։

Նրա խոսքերով` առաջիկա ամիսներին տեղի կունենան Բյուրականի աստղադիտարանի նոր տնօրենի ընտրությունները։

Բյուրականի աստղաֆիզիկական աստղադիտարանը հիմնադրվել է 1946թ. Արագած լեռան վրա։ Հայկական աստղագիտության բարգավաճման նշանակալի փուլը կապված է հռչակավոր գիտնական, ակադեմիկոս Վիկտոր Համբարձումյանի անվան հետ։ Բյուրականում անցկացվող գիտական ուսումնասիրությունները համաշխարհային ճանաչում են ստացել, դրանց հիման վրա ստեղծվել են աստղաֆիզիկայի նոր ուղղություններ։

ՀՀ կառավարությունը ԳԱԱ–ի աջակցությամբ 2013 թ.–ի սկզբին Բյուրականի աստղադիտարանը հռչակեց հանրապետության ազգային հարստություն։–0–