ԵՐԵՎԱՆ, 6 մարտի. /Նովոստի–Արմենիա/. Ամերիկյան Dawn զոնդն ուրբաթ դուրս կգա Ցերերա թզուկ մոլորակի ուղեծիր, հաղորդում է «ՌԻԱ Նովոստին»։
Տիեզերական Dawn զոնդը երկինք բարձրացավ 2007-ին։ 2011 թվականին սարքը հասավ Վեստա աստերոիդի ուղեծիր և 14 ամիս տվյալներ էր հավաքում դրա մասին։
Եթե Զոնդի մոտենալը Ցերերային հաջող լինի, ապա այն կդառնա ոչ միայն առաջին սարքը, որը կմտնի Ցերերայի ուղեծիր, այլև Արեգակնային համակարգի երկու օբյեկտների շուրջ պտույտ կատարած սարքը։ ՆԱՍԱ-ում նշում են, որ Վեստայի և Ցերերայի հետազոտումը թույլ կտա մոտենալ այն խնդիրը հասկանալուն, թե ինչպես են ձևավորվել Արեգակնային համակարգի մոլորակները։
Dawn նախագծի արժեքը մոտ 473 միլիոն դոլար է կազմում։ -0-