Ռոսկոսմոսը որոշում է` Տիեզերքը գրավել միայնա՞կ, թե՞ այլ երկրների հետ միասին

ԵՐԵՎԱՆ, 22 հունվարի. /Նովոստի–Արմենիա/. Ռուսական տիեզերական օդագնացության ապագայի մասին պետք է մտածել` հաշվի առնելով միջազգային համագործակցության տեղն ու դերը, հինգշաբթի հայտարարել է բարեփոխված Ռոսկոսմոսի ղեկավար Իգոր Կոմարովը, հաղորդում է «ՌԻԱ Նովոստին»։

«Օդագնացության ոլորտի մասշտաբային նախագծերը պահանջում են միջազգային համագործակցության իմաստավորում։ Կարևոր է, որպեսզի դրանք տան առավելագույն  հավաքական արդյունք երկարաժամկետ հեռանկարում», – ասել է Կոմարովը պրոֆիլային հանձնաժողովի նիստի ժամանակ։

Նրա խոսքերով` նման որոշումները պետք է հիմնվեն համարժեք գնահատականի վրա։ Փետրվարի վերջից ոչ ուշ պետք է ներկայացվեն հեռավոր տիեզերքի նվաճման, գերծանր հրթիռի ստեղծման և ազգային տիեզերական կայանի ստեղծման ծրագրերը, նշել է Ռոսկոսմոսի ղեկավարը։–0–