Ռուսաստանը Լուսին «կվերադառնա» 2020–ականների վերջին

ԵՐԵՎԱՆ, 10 հոկտեմբերի. /Նովոստի–Արմենիա/. Ռուսաստանը Լուսին «կվերադառնա» հաջորդ տասնամյակի վերջին, ուրբաթ լրագրողներին է հայտնել Տիեզերական ուսումնասիրությունների ինստիտուտի ղեկավար Լև Զելյոնին, հաղորդում է ՌԻԱ Նովոստին։

«Մենք լուսնային մի շարք առաքելություններ ենք մշակել։ Դրանք «Լուսին-25, 26, 27. 28 և 29» –ն են։ Վստահ եմ, որ հաջորդ տասնամյակի վերջին Ռուսաստանը կրկին վայրէջք կկատարի Երկրի արբանյակի վրա»,– ասել է նա։

Վայրէջքի շրջանը կընտրվի «շատ կարևոր սկզբունքներով` ոտքերի տակ ջրի առկայություն` մակերևույթի տակ 1.5 մետր խորության վրա, Երկրի ուղղակի տեսանելիության առկայություն»։

Ամենից շատ վայրէջքի այդպիսի շրջաններ կան Լուսնի Հարավային բևեռում, նշել է Զելյոնին։ Ըստ նրա, վայրէջքի համար կիրականացվի Լուսնի շուրջ մի քանի թռիչք ավտոմատ կայանների օգնությամբ։ -0-