Ռուս տիեզերագնաց Սերգեյ Ռյազանսկին կհանդիպի Հայաստանի գիտական շրջանակների ներկայացուցիչների հետ

ԵՐԵՎԱՆ, 1 հոկտեմբերի. /Նովոստի-Արմենիա/. Ռուս տիեզերագնաց-փորձարկող Սերգեյ Ռյազանսկին, ով մասնակցել է Սոչիի Օլիմպիական XXII խաղերից առաջ Օլիմպիական կրակի էստաֆետին Միջազգային տիեզերակայանում (ՄՏԿ), հոկտեմբերի 2-5-ը կայցելի Հայաստան, հայտնում է Ռոսսոտրուդնիչեստվոյի ներկայացուցչության մամուլի ծառայությունը:

Այցը կազմակերպվել է ռուս-հայկական բարեկամության ամրապնդման և տիեզերագնացության քարոզման նպատակով:

Ռյազանսկին Հայաստանում կհանդիպի երկրի գիտական շրջանակների ներկայացուցիչներին, ելույթ կունենա դասախոսություններով դպրոցականների և ուսանողների համար:

Հոկտեմբերի 2-ին, ժամը 14:30-ին Ռուս-հայկական (Սլավոնական) համալսարանում կկայանա Ռյազանսկու հանդիպումը հայկական բուհերի ուսանողների և դասախոսների հետ: «Նա կպատմի իր մասին, այն մասին, թե ինչպես է դարձել տիեզերագնաց, կցուցադրի տիեզերքի բացառիկ կադրեր, կպատասխանի միջոցառման մասնակիցների հարցերին»,- նշվում է հաղորդման մեջ:

Սերգեյ Նիկոլայի Ռյազանսկին ծնվել է 1974 թվականի նոյեմբերի 13-ին: Խորհրդային գիտնականի և ռադիոհամակարգերի գլխավոր կոնստրուկտորի թոռ է: Կարգավիճակը` Տիեզերագնացների պատրաստման կենտրոն գիտահետազոտական ինստիտուտ Դաշնային պետական բյուջետային հաստատության ջոկատի տիեզերագնաց-փորձարկող: Աշխարհի 535-րդ և Ռուսաստանի 117-րդ տիեզերագնաց: Ռյազանսկու` տիեզերք կատարած առաջին թռիչքը կայացել է 2013 թվականի սեպտեմբերի 8-ից մինչև 2014 թվականի մարտի 11-ը` որպես «Սոյուզ ТМА-10М» տիեզերանավի և ՄՏԿ-ում ՄՏԿ-38/37  ուղեկցորդ-ինժեներ` Օլեգ Կոտովի և NASA-ի տիեզերագնաց Մայքլ Հոփքինսի հետ: Թռիչքի տևողությունը` 166 օր 06 ժամ 26 րոպե: Բաց տիեզերք է դուրս եկել երեք անգամ` 19 ժամ ընդհանուր տևողությամբ:
-0-