Տիեզերական թռիչքների համար նախատեսված հրթիռի առաջին արձակումը տեղի կունենա 2018թ.-ից ոչ ուշ. NASA

ԵՐԵՎԱՆ, 28 օգոստոսի. /Նովոստի-Արմենիա/. ԱՄՆ-ի օդագնացության և տիեզերական տարածքի հետազոտության ազգային վարչության (NASA) նոր հրթիռի արձակումը տեղի կունենա 2018թ.-ի նոյեմբերից ոչ ուշ: Հրթիռը նախատեսված է դեպի աստերոիդներ կամ անգամ Մարս մոլորակ օդագնացներին տեղափոխելու համար, հաղորդում է ՌԻԱ Նովոստին՝ հղում անելով կազմակերպության մամուլի հաղորդագրությանը:

Ինչպես նշվում է փաստաթղթում, խոսքը տիեզերանավերի արձակման նոր համակարգի (Space Launch System կամ SLS) մասին է, որը թույլ կտա օդագնացներ և բեռներ տեղափոխել երկնային ուղեծրի սահմաններից դուրս: Ինչպես սպասվում է, նոր մշակումը Մարս մոլորակ նախատեսված առաջին արշավի սկիզբը կդառնա:

«Մենք գտնվում ենք գիտական և մարդկային հետազոտության ճանապարհին, որը մեզ Մարս կտանի: Մենք հստակ հավատում ենք հրթիռի և այլ օժանդակ համակարգերի ստեղծման գաղափարին, որոնք մեզ կկանգնեցնեն այդ ուղու վրա», - հայտարարել է NASA-ի ղեկավար Չարլզ Բոլդենը:

Առաջին փորձնական թռիչքի ժամանակ կարձակվի 70 տոննայանոց հրթիռը և 143 տոննայանոց ծանր բեռնատարողությամբ հրթիռը: 70 տոննայանոց հրթիռն արժե ավելի քան 7 մլրդ դոլար, ինչպես հայտնի է, այն նախատեսվում է արձակել 2018 թ.-ի նոյեմբերից ոչ ուշ:

«Մենք կցանկանայինք պահպանել այս տարեթիվն ու ապացուցել, որ ի վիճակի են ավարտել աշխատանքը նշված ժամկետում», - հայտարարել է NASA-ի տնօրենի օգնական Ռոբերտ Լայթֆութը: Նրա կարծիքով՝ սա «բավականին հավակնոտ» ծրագիր է: Նա նաև տեղեկացրել է, որ նախագծի տեխնիկական և ծրագրային բաղկացուցիչների վերլուծությունն արդեն հաջողությամբ ավարտվել է:-0-