Գիտնականները մի ծրագիր են մշակել, որը գտնում է լուսանկարների ռետուշը

Ամերիկացի գիտնականները մշակել են հատուկ ալգորիթմ, որը թույլ է տալիս մարդկանց լուսանկարների վրա գտնել և նշել համակարգչի միջոցով «շտկած» մասերը, ինչպես նաև գնահատել թվային տեխնոլոգիաների ընդհանուր կիրառումն այս կամ այն պատկերի վրա, հայտնում է ՌԻԱ Նովոստին :

Ալգորիթմը և դրա կատարած աշխատանքի օրինակներն ԱՄՆ-ի Հանովեր քաղաքի Դարմութի քոլեջից Հանի Ֆարիդը (Hany Farid) և Էրիկ Քին (Eric Kee) հրատարակել են Proceedings of the National Academy of Sciences ամսագրում:

Ինչպես նշում են հոդվածի հեղինակները, մարդկանց լուսանկարների թվային մշակումը գովազդային նպատակներով հաճախ դժգոհություն է առաջացնում ոչ միայն գովազդվող ապրանքասպառողների, այլ նաև պետական մարմինների կողմից: Այսպես, 2009 թվականին Մեծ Բրիտանիայի կառավարությունն արգելել է Olay ընկերության արտադրած աչքերի մաշկի խնամքի միջոցների գովազդը՝ ապրանքի կողքին պատկերած ֆոտոմոդելի դեմքի չափազանց ռետուշավորված լինելու  պատճառով:

Ֆարիդն ու Քին մշակել են մի ալգորիթմ, որը թույլ է տալիս որոշել լուսանկարների մշակման աստիճանը և սահմանել տվյալ նկարի «ռետուշավորվածության ինդեքսը», որը թույլ կտա գովազդատուներին և սպառողներին խուսափել պատկերի իրական լինելու գնահատման խնդիրներից: -0-