Հարվարդը դադարել է լավագույն համալսարանը համարվել համաշխարհային վարկանիշում

Համաշխարհային ճանաչում ունեցող ամերիկյան Հարվարդի համալսարանն ութ տարվա մեջ առաջին անգամ կորցրել է առաջատարի դիրքերը Times Higher Education ազդեցիկ համաշխարհային վարկանիշում, որը կազմվում է համանուն բրիտանական թերթի կողմից՝ Thomson Reuters գործակալության կողմից տրամադրված տվյալների հիման վրա:

Այդ տարեկան վարկանիշը բոլոր գոյություն ունեցող վարկանիշներից ամենաբարդն ու ծանրակշիռն է, ներկայացնում է աշխարհի 200 լավագույն համալսարանների հավաստի ցուցակը, հաղորդում է ՌԻԱ Նովոստին:

Հայտնի «Բաղեղի լիգայում» ընդգրկված և  375 տարվա պատմություն ունեցող Հարվարդն ութ տարվա մեջ առաջին անգամ է առաջին տեղը զիջել Times Higher Education-ի կողմից ներկայացված աշխարհի համալսարանների վարկանիշի հրապարակումներում: -0-