Երևանում բացվել է «Մոլեկուլային և բջջային կենսաբանության զարգացման հեռանկարները» թեմայով երիտասարդական գիտաժողովը
Երևանում բացվել է «Մոլեկուլային և բջջային կենսաբանության զարգացման հեռանկարները» թեմայով երիտասարդական գիտաժողովը։
«ՀՀ գիտությունների ազգային ակադեմիան պատրաստ է աջակցել, որպեսզի նման գիտաժողվներն ավանդույթ դառնան», - երկուշաբթի «Նովոստի-Արմենիա» գործակալությանը տեղեկացրեցին Ակադեմիայի մամուլի ծառայությունից՝ մեջբերելով ՀՀ ԳԱԱ-ի նախագահ Ռադիկ Մարտիրոսյանի խոսքերը։
Գիտաժողովին մասնակցում են 50 երիտասարդ գիտնականներ, որոնք ներգրավված են ՀՀ ԳԱԱ-ի մի շարք գիտական հաստատությունների, բուհերի, գիտական և բժշկական ձեռնարկությունների ծրագրերում։
Ներկայացված աշխատանքների շարքում կարևոր տեղ են գրավում չարորակ հիվանդությունների, շաքարախտի, իմունային անբավարարվածության մոլեկուլային հիմքերի ուսումնասիրության, բջջային ակտիվության միջնորդների, տեղեկատվական տեխնոլոգիաների կիրառման մոլեկուլաբանական հետազոտությունների մասին զեկույցներ։
Գիտաժողովի ավարտին ութ լավագույն աշխատանքներ կարժանանան հատուկ մրցանակների։
«Մոլեկուլային և բջջային կենսաբանության զարգացման հեռանկարները» թեմայով երիտասարդական գիտաժողովը կազմակերպել ՀՀ ԳԱԱ-ի Մոլեկուլային կենսաբանության ինստիտուտը՝ ՀՀ ԳԱԱ-ի նախագահության աջակցությամբ։-0-
