Հայաստանի բուհական ընդունելության քննությունների արդյունքները կհրապարակվեն օգոստոսի 20-ին

Հայաստանի պետական բուհերի ընդունելության քննությունների արդյունքների վերջնական ցուցակները կհրապարակվեն 2007 թ.-ի օգոստոսի 20-ին։

Պետական բուհերի ընդունելության քննություններին մասնակցության հայտ են ներկայացրել 12072 դիմորդ Երևանից և երկրի բոլոր տաս մարզերից։

Քննական շրջանը սկսվել է հուլիսի 20-ին և ավարտվել օգոստոսի 10-ին։ Հինգ օրվա ընթացքում դիմորդները հնարավորություն ունեն դիմել բողոքարկման, որից հետո վերջնական արդյունքների ամփոփման համար Հայաստանի կրթության և գիտության նախարարության գնահատման և թեստավորման կենտրոնին կտրամադրվի ևս հինգ օր։

Ըստ Հայաստանի կրթության և գիտության նախարարության տվյալների՝ ընթացիկ տարում  քննական հանձնաժողովները ստուգել են 24,5 հազ. աշխատանք։

Ընդ որում, 4,8 հազ. աշխատանքներին տրվել է 18 բալ, այդ թվում առավելագույն 20 բալ ստացել է 311 աշխատանք։

«Բավարար» (8-ից մինչև 13 բալ) գնահատվել է 2,4 հազ. քննություն, «լավ» (14-17 բալ)՝ 9,6 հազ. քննություն, իսկ ոչ բավարար է գնահատվել 3,9 հազ. աշխատանք։

2007 թ.-ին գրավոր քննությունների ընթացքում բոլոր քննական դահլիճներում տեղադրվել են տեսագրման սարքեր՝ քննական ընթացքին հետևելու համար, իսկ բանավոր քննությունները նաև ձայնագրվել են։

Հայաստանում  գործում է 16 պետական բուհ։ Այսօր պետական բուհերում ուսանում է մոտավորապես 65 հազ. ուսանող։-0-