Ռադիկ Մարտիրոսյանը վերընտրվել է ՀԳԱԱ նախագահի պաշտոնում

ԵՐԵՎԱՆ, 27 հունիսի. /Նովոստի–Արմենիա/. Ակադեմիկոս Ռադիկ Մարտիրոսյանը նշանակվել է Հայաստանի գիտությունների ազգային ակադեմիայի նախագահ։

ԳԱԱ նախագահի ընտրությունները կայացել են երկուշաբթի։ Ակադեմիայի 159 անդամներից ընդհանուր ժողովին մասնակցել է 135–ը։

Ռադիկ Մարտիրոսյանի թեկնածությունն առաջ է քաշել Վլադիմիր Բարխուդարյանը։

Մարտիրոսյանը ծնվել է 1936 թվականի մայիսի 1–ին Մարտակերտի շրջանի Մատաղիս գյուղում։ 1958 թվականին ավարտել է Երևանի պետական համալսարանի ֆիզիկա–մաթեմատիկական ֆակուլտետը։ 1961 թվականից աշխատել է ՀԽՍՀ ֆիզիկայի ինստիտուտում։

1965 թվականից աշխատել է Երևանի պետական համալսարանում։ 1971-1980 թվականներին եղել է Ռադիոֆիզիկայի և էլեկտրոնիկայի ինստիտուտի փոխտնօրեն։
1980 թվականից` նույն ինստիտուտի տնօրեն։ 1993-2006 թվականներին եղել է Երևանի պետական համալսարանի ռեկտոր։ ԳԱԱ նախագահի պաշտոնը զբաղեցնում է 2006 թվականից։ -0-