ԵՐԵՎԱՆ, 7 հոկտեմբերի./Նովոստի–Արմենիա/. Pixar Animation Studios հայտնի կինոստուդիան և PicsArt (լուսանկարների ամերիկյան ստարտափ–խմբագիր) հայտնի ընկերության հայկական գրասենյան արդյունավետ գործակցություն են սկսել։ Այդ մասին ասել է Pixar Animation Studios–ի ավագ փոխնախագահ Քեթրին Սարաֆյանը Երևանում Հայաստանի վարչապետ Նիկոլ Փաշինյանի հետ հանդիպմանը։
Ինչպես հայտնում է կառավարության մամուլի ծառայությունը, Սարաֆյանը մասնավորապես, պատմել է անիմացիայով զբաղվող մասնագետների միջև փորձի փոխանակման մասին, նշելով, որ «Pixar Animation Studios»-ը պատրաստ է շարունակել և ընդլայնել այդ գործակցությունը:
Նրա խոսքով, Հայաստանում ՏՏ գործիքները և ձեռնարկությունները տպավորիչ զարգացում են արձանագրել, ինչը խոսում է մեր երկրում տեխնոլոգիական ոլորտի առաջընթացի մասին:
«Pixar Animation Studios»–ի պատվիրակությունը Հայաստանում է WCIT-2019 համաշխարհային կոնգրեսի շրջանակում։
Ողջունելով Քեթրին Սարաֆյանի մասնակցությունը WCIT 2019-ին՝ վարչապետը նշել է, որ Հայաստանի իշխանություններրի նպատակը տեխնոլոգիական ոլորտը երկրի տնտեսության շարժիչ ուժ դարձնելն է, և Pixar ընկերության հետ հնարավոր համագործակցությունը մեզ համար օգտակար կլինի:
«Հուսով եմ՝ Դուք կգտնեք մեր երկրում ՏՏ ոլորտում որոշակի գործունեություն ծավալելու համար հետաքրքիր հարթակներ»,– ասաց վարչապետ Փաշինյանը։
«Pixar Animation Studios» ամերիկյան աշխարհահռչակ կինոստուդիան աշխատում է համակարգչային անիմացիայի ոլորտում, տեղակայված է Կալիֆոռնիա նահանգում։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
