ԵՐԵՎԱՆ, 18 դեկտեմբերի. /Նովոստի-Արմենիա/. Կանադայի Ալբերտայի համալսարանի նորագույն ուսումնասիրությունը ցույց է տվել, որ մեկ գավաթ կարմիր գինին նույնքան օգտակար է, որքան մարզասրահում մեկ ժամ մարզվելը, գրում է
huffingtonpost-ը:
Բանն այն է, որ գինում պարունակվող ռեսվերատրոլը բարձրացնում է աշխատունակությունը, բարելավում է սրտի աշխատանքը և ամրացնում մկանները, այսինքն, ազդում է օրգանիզմի վրա այնպես, ինչպես ֆիզիկական մարզումները:
Հետազոտության ղեկավար Ջեյսոն Դայկի եզրակացության համաձայն, դա թույլ կտա այն մարդկանց, ովքեր ի վիճակի չեն այցելել մարզասրահներ, տոնուսի մեջ մնալ:
Ռեսվերատրոլը, բարձրացնելով սրտի կրճատումների թիվը, ամրացնում է սիրտը և մկաններն ավելի ուժեղ ու դիմացկուն դարձնում, կարգավորում է արյան մեջ շաքարի քանակը և հակածերացման էֆեկտ ունի:
Հետազոտությունները ցույց են տվել նաև, որ մարդիկ, ովքեր օրական մեկ գավաթ կարմիր գինի են խմում, պակաս հակված են թուլամտության և քաղցկեղի զարգացման ռիսկի: -0-