Իլոն Մասկը ներկայացրել է արևային մարտկոց կտուրի տեսքով (ՏԵՍԱՆՅՈՒԹ)

ԵՐԵՎԱՆ, 30 հոկտեմբերի. /Նովոստի-Արմենիա/. Tesla-ի հիմնադիր Իլոն Մասկը Լոս Անջելեսում անցկացված համաժողովում ներկայացրել է արևային մարտկոց, որը ներկառուցվում է կտուրի մեջ, գրում է meduza-ն:

Պրոդուկտը կոչվել է «արևային կտուր» (Solar Roof): Մարտկոցը բաղկացած է ոչ մեծ տարրերից, որոնք տեղադրվում են տան կամ ավտոտնակի կտուրին: Մասկի խոսքով, այդպիսի մարտկոցն ընդունակ կլինի ամբողջովին ապահովել բնակիչներին էլեկտրաէներգիայով, ընդ որում՝ այն կարելի կլինի ոչ միայն ծախսել, այլ նաև կուտակել: Powerwall 2 բարձր տարողունակության կուտակիչն է նաև ներկայացվել համաժողովի ընթացքում:

Ինչպես նշում է Engadget-ը, Իլոն Մասկը նոր արևային մարտկոցների գինը չի ներկայացրել, նշելով միայն, որ Solar Roof-ի տեղադրումն ավելի էժան կլինի, քան կտուրի փոխարինոմը և տան զինումն արևային մարտկոցներով առանձին վերցրած: -0-