ԵՐԵՎԱՆ, 3 փետրվարի. /Նովոստի–Արմենիա/. Bharat Biotech International Limited հնդկական ընկերությունը հայտարարել է Զիկա վիրուսի դեմ պատվաստանյութի ստեղծման հավանականության մասին։ Այդ մասին, ինչպես գրում է Lenta.ru–ն, Ասիական–խաղաղօվկիանոսյան խոշորագույն ընկերություններից մեկը հայտնել է NDTV հեռուստաալիքին։
«Եթե խոսենք Զիկա վիրուսի մասին, ապա, հնարավոր է, աշխարհում առաջին ընկերությունը կդառնանք, որը մոտ ինն ամիս առաջ պատվաստանյութի պատենտային հարցում է ներկայացրել»,– ասել է ընկերության ղեկավար Կրիշնա Էլան։
Bharat Biotech International Limited–ը մշակել է թեկնածուական պատվաստանյութի երկու տեսակ։ Դեղորայքի արդյունավետության ստուգման համար անհրաժեշտ են մարդկանց և կենդանիների վրա կատարվող գիտափորձեր, որոնք կարող են որոշ ժամանակ պահանջել։ Ֆիրման դիմել է Հնսկաստանի բժշկական հետազոտությունների խորհրդի օգնությանը։
Գիտնականներ` Զիկա վիրուսի պատվաստանյութը կարող է պատրաստ լինել մինչև տարեվերջ>>
Խորհրդի ղեկավար Սոումիա Սվամինաթհանն ասել է. «Մեզ տեղեկացրել են Bharat Biotech–ի թեկնածուական պատվաստանյութի մասին։ Մենք ուսումնասիրում ենք այն գիտական տեսանկյունից և կգնահատենք դրա արդյունավետությունը։ Դա «Արտադրված է Հնդկաստանում» արշավի շրջանակում արտադրված լավ պրոդուկտի օրինակ է»։
Զիկա վիրուսի հարուցած հիբանդությունը թեթև գլխացավ է առաջացնում, կարմրուկանման ցան, տենդ, թուլություն, կոնյունկտիվիտ և մարմնի տարբեր մասերի ցավ։ Վիրուսը հատկապես վտանգավոր է հղի կանանց համար։ Այն պտղի մոտ առաջ է բերում միկրոցեֆալիա` ուղեղի և գանգի չափերի փոքրացում, ինչը հանգեցնում մտավոր հետամնացության։
Հիվանդության հիմնական հարուցիչներն արևադարձային և մերձարևադարձային գիտիներում տարածված Aedes տեսակի մոծակներն են։ Գիտնականները չեն բացառում մարդուց մարդուն (սեռական ճանապարհով) հիվանդության փոխանցման հավանականությունը։ Ներկայում վիրուսը տարածված է Լատինական Ամերիկայի երկրներում (բացի Չիլիից) և թափանցում է ԱՄՆ–ի տարածք։ -0-
