ԵՐԵՎԱՆ, 20 հունիսի. /Նովոստի–Արմենիա/. Apple-ի տեխնիկայի նորոգմամբ զբաղվող Rock Fix ընկերության աշխատակիցները, Weibo սոցցանցում հրապարակել են նոր iPhone 7-ի բաղկացուցիչ մասերի լուսանկարը: Լուսանկարները թույլ են տալիս պնդել, որ սարքը կպահպանի 3,5 մմ-անոց բնիկը և SIM քարտերի համար երկու սլոթ կունենա, հաղորդում է
telecom.arka.am–ը` հղում անելով hi-tech.mail.ru-ին:
Հեղափոխությու՞ն:
Լուսանկարում պատկերված է SIM քարտերի կրկնակի սլոթը: Նույն չափմ ունեցող սլոթները, հնարավոր է, հիբրիդային են. մի SIM քարտի փոխարեն կարելի է microSD հիշողության քարտ դնել:
Եվս մեկ լուսանկար հաստատում է, որ iPhone 7-ը կթողարկվի երեք մոդիֆիկացիաներով: Երկուսը կունենան 4,7 դյույմանոց էկրան, մյուսը` 5,5: Սակայն դա հակասում է ավելի վաղ հրապարակված արտահոսքերին: Այդպես, պնդում էին, որ Apple-ը թողարկելու է 4,7 դյույմանոց iPhone 7 и երկու 5,5 դյույմանոց սմարթֆոն` iPhone 7 Plus և iPhone 7 Pro: Բացի այդ, ընկերությունից հաստատել են, որ iPhone 7-ը պահպանելու է 3,5 մմ-անոց բնիկը:
Ավելի վաղ ընկերության ներսի աղբյուրները բացահայտել էին iPhone-ի բոլոր երեք տարբերակների բնութագրիչները և հրապարակել էին սմարթֆոնի մի քանի հնարավոր լուսանկարներ (դրանք կարելի է տեսնել այստեղ, այստեղ և այստեղ), աառջին պաշտոնական ռենդերը և կաղապարների լուսանկարը, ինչպես նաև հրապարակել էին տեղեկությունը, որ սմարթֆոնը կզրկվի Home ֆիզիկական կոճակից: Հնարավոր է` մոխրագույն iPhone 7 չլինի, իսկ Apple-ի սմարթֆոնների հիշողության ծավալը կրկնապատկվի: -0-
