Գիտնականները պարզել են վաղաժամ ծերացման պատճառները

ԵՐԵՎԱՆ, 19 հունվարի. /Նովոստի-Արմենիա/. Պասիվ կենսակերպ վարող տարեց կանայք կորցնում են կյանքի ութ տարի։ Այսպիսի եզրակացության են եկել Կալիֆոռնիայի բժշկական դպրոցի գիտնականները։

Աշխատանքի արդյունքներով հոդվածը հրապարակվել է American Journal of Epidemiology ամսագրում։ Այդ մասին հակիրճ գրոմ է EurekAlert! կայքը, գրում է Lenta.ru–ն։

Հետազոտությանը մասնակցել է 64-95 տարեկան 1500 կին։ Նրանց աջ ազդրին ամրացվել է աքսելերամետր, որը հետևել է մասնակիցների ֆիզիկական ակտիվությանը յոթ օրվա ընթացքում արթուն ժամանակ, ինչպես նաև գիշերը։ Այնուհետև գիտնականները չափել են քրոմոսոմների ծայրային հատվածների` տելոմերների երկարությունը, որոնց կարճացումը կապված է ծերացման հետ։

Պարզվել է, որ օրական գոնե 30 րոպե ֆիզիկական վարժություններ կատարող կանանց քրոմոսոմների ծայրամասային հատվածների երկարությունն ավելի մեծ էր, քան նստակյաց կենսակերպ ունեցողներին։ Դա նշանակում էմ որ վերջինների բջիջներն ավելի արագ են ծերանում։ Դա մեծացնում է քաղցկեղի կամ շաքարախտի առաջացման ռիսկը։

Տելոմերները բաղկացած են ԴՆԹ կրկնվող հետևողականությունների շարքից։ Դրանք պաշտպանում են բազմացող քրոմոսոմները վնասվելուց, սակայն բջջի յուրաքանչյուր բաժանման ժամանակ կարճանում են։ Համարվում է, որ այդ գործընթացը կապված է ծերացման հետ, և շատ կարճ տելոմերներով բջիջներով չեն կարողանում կատարել իրենց ֆունկցիաները ու մահանում են։ -0-