Երբ և ինչու սուրճը կանհետանա Երկրի երեսից

ԵՐԵՎԱՆ, 4 սեպտեմբերի. /Նովոստի-Արմենիա/. Կլիմայի փոփոխությունը կործանարար ազդեցություն է գործում սուրճի ցանքատարածությունների վրա: Եթե գլոբալ ջերմացման միտումը շարունակվի, ապա 21-րդ դարի վերջին Երկրի վրա սուրճ չի մնա, գրում է vokrugsveta.ru-ն:

Հետազոտությունն անցկացրել են Ավստրալիայի Կլիմայական ինստիտուտի մասնագետները: Դրա արդյունքներով կատարած հրապարակման մեջ ասվում է, որ արդեն 2050 թվականին գյուղատնտեսական այն հատվածների թիվը, որտեղ սուրճի ծառեր են աճեցվում, կրկնակի կպակասեն: Իսկ 2080 թվականին այդ տեսակը, մասնագետների կարծիքով, ամբողջովին կանհետանա Երկրի երեսից:

Գլոբալ ջերմացման պայմաններում իրենց շատ լավ են զգում սուրճի ծառերը փչացնող վնասատուները: Միայն 2012 թվականին Կենտրոնական Ամերիկայում դրանից տուժել է ցանքատարածությունների կեսը, իսկ Գվատեմալայի արտադրողները կորցրել են բերքի 85 տոկոսը:

The Guardian-ի հաղորդմամբ, տարածաշրջանի համար ընդհանուր վնասը общий 2012—2013 թվականներին կազմել է 500 մլն դոլար, 350 հազար մարդ գործազուրկ է դարձել:

Եթե գլոբալ ջերմացումը շարունակվի այս տեմպերով, ապա կկրճատվեն ինչպես սուրճի տարածքները, այնպես էլ տեսակների բազմազանությունը:

Մասնագետները մի քանի միջոց են առաջարկում՝ իրավիճակը գոնե մասամբ փոխելու համար: Երկրորդ, մենատնտեսները պետք է ծառատնկման համար նոր տարածքներ փնտրեն՝ դրանք պետք է տեղակայված լինեն բարձր տեղանքներում և հասարակածից հեռու:

Սուրճի ծառերը պտուղ են տալիս տնկելուց միայն մի քանի տարի հետո, այդ իսկ պատճառով դա անհրաժեշտ է անել արդեն հիմա: -0-