Աշխարհի խոշորագույն հիբրիդային ինքնաթիռն ընկել է Անգլիայում (ՏԵՍԱՆՅՈՒԹ)

ԵՐԵՎԱՆ, 24 օգոստոսի. /Նովոստի-Արմենիա/. Աշխարհի խոշորագույն Airlander 10 օդանավն ընկել է Անգլիայում փորձնական թռիչքի ժամանակ, հաղորդում է Lenta.ru-ն` հղում անելով Reuters-ին:

Hybrid Air Vehicles ընկերության օդանավի մշակողի տվյալներով, պատահարի հետևանքով ոչ ոք չի տուժել:

Օդանավը վայր է ընկել հեռագրասյանը բախվելուց հետո, հաղորդում է BBC News-ը: Անկումից վնասվել է խցիկը: Սա օդանավի երկրորդ փորձնական թռիչքն էր: Ինչպես և առաձին անգամ, այն գործարկվել է Կարդինգթոնի օդանավակայանի շրջանում` Լոնդոնից 73 կմ հեռավորության վրա:

Airlander 10-ը ինքնաթիռի, ուղղաթիռի և դիրիժաբլի հիբրիդ է: Հելիումով լցված օդանավն ունի 92 մետր երկարություն և կարող է երկու շաբաթ օդում գտնվել: Այն ավելի քիչ վառելիք է ծախսում, քան ինքնաթիռը և միաժամանակ օժտված է ավելի մեծ բեռնատարությամբ, քան դիրիժաբլը: Օդանավը ունակ է բարձրանալ 4,9 կմ բարձրության վրա և տեղաշարժվում է 148 կմ/ժ արագությամբ:

Ի սկզբանե Airlander 10-ը մշակվել է ամերիկյան զինվորականների համար, ովքեր նախատեսում էին օգտագործել այն Աֆղանստանում հետախուզական նպատակներով: -0-