Արեգակի վրա գերհզոր բռնկումը կարող է ոչնչացնել կյանքը Երկրի վրա

ԵՐԵՎԱՆ, 25 մարտի. /Նովոստի–Արմենիա/. Դանիայի, Բելգիայի, Չինաստանի և Իտալիայի աստղաֆիզիկոսները չեն բացառել Երկրի վրա գերբռնկման հավանականությունը, որը կարող է Երկրի կենդանի օրգանիզմների մեծ մասի ոչնչացման պատճառ դառնալ։

Հեղինակների հոդվածը հրապարակվել է Nature Communications ամսագրում, հակիրճ դրա մասին հաղորդվում է Օրհուսի համալսարանի կայքում, գրում է Lenta.ru–ն։

Գիտնականները հետևել են 5648 արևանման աստղերի, որոնցից 48–ի վրա գերբռնկումներ են գրանցվել։ Առնվազն չորս հետազոտցած աստղերի (KIC 8493735, KIC 9025370, KIC 8552540 և KIC 8396230) մագնիսական դաշտը գրեթե նույնն էր, ինչ որ արեգակինը։

Վերջին հանգամանքը թույլ է տվել աստղաֆիզիկոսներին ենթադրել, որ Արեգակի վրա բռնկումները և այլ աստղերի գերհզոր բռնկումները նույնն են։ Այսպիսի եզրակացության են եկել գիտնականները` վերլուծելով Kepler տիեզերադիտակից ստացված և հետագայում LAMOST (Large Sky Area Multi-Object Fibre Spectroscopic Telescope) աշխարհի խոշորագույն սպեկտրալ տիեզերադիտակի օգնությամբ հաստատված տվյալները։

Ամենահզոր բռնկումները, որոնք դիտվում են Արեգակի վրա, հանգեցնում են հսկայական էներգիայի արտանետումների շրջակա տարածություն։ Մի քանի րոպեում բաց տիեզերք է արտանետվում տրոտիլին համարժեք մինչև մեկ տրիլիոն էներգիա։ Հետազոտված աստղերի գերբռնկումների հզորությունը գերազանցում է արեգակնայինը տասնյակ հազարավոր անգամ։ -0-