ԵՐԵՎԱՆ, 14 ապրիլի. /Նովոստի–Արմենիա/. Սթրեսի հորմոն կորտիզոլի մակարդակն արյան մեջ նվազում է կենդանի համերգների ներկա լինելու ժամանակ, պարզել են Մեծ Բրիտանիայի երաժշտության թագավորական քոլեջի և Լոնդոնի կայսերական քոլեջի գիտնականները, գրում է
moya-planeta.ru–ն։
Ուսումնասիրությանը մասնակցել են 117 կամավորներ, ովքեր թքի նմուշներ են հանձնել նախքան համերգի գնալը և միջոցառման ավարտից հետո։ Գիտնականները վերցրել են փորձանմուշները կորտիզոլի և կորտիզոնի մակարդակը չափելու համար։ Համերգից հետո վերցրած երկրորդ նմուշում արձանագրվել է սթրես–հորմոնների մակարդակի էական նվազում, հայտնում է Medicalnews Today–ը։
Արանք առաջին նախնական ապացույցներն են, որ զանազան մշակութային իրադարձությունների ներկա լինելն ուղղակի ազդեցություն է գործում էնդոկրին համակարգի ակտիվության վրա։ Հետաքրքիր է, որ արդյունքները գրեթե նույնն էին անկախ մասնակիցների տարիքից, համերգների ներկա լինելու հաճախականությունից կամ երաժշտական նախասիրություններից։
Կորտիզոլն օրգանիզվում արտադրվում է ֆիզիկական և հոգեբանական սթրեսի ժամանակ։ Ոչ մեծ չափաբաժինը կարող է դրական ազդեցություն ունենալ, բայց կորտիզոլի բարձր մակարդակը կարող է սրել տարբեր հիվանդությունների ընթացքը, և դա կարող է նպաստել մի շարք տկարությունների առաջացմանը` ինֆարկտներից և ինսուլտներից մինչև քաղցկեղ ու շաքարախտ։ -0-
