AliExpress կայքում հայտնաբերվել է վտանգավոր խոցելիություն

ԵՐԵՎԱՆ, 26 նոյեմբերի. /Նովոստի Արմենիա/. Տեղեկատվական անվտանգության փարձագետները խոցելիություն են հայտնաբերել հայտնի AliExpress կայքում, որը նհարավորություն է տալիս հաքերներին գրոհել օգտատերերին։

Ինչպես գրում է gazeta.ru–ն, այդ մասին հայտնում է Check Point Software Technologies–ի մամուլի ծառայությունը։


Այս խոցելիության պատճառով հանցագործները կարող են ստանալ օգտատերերի գաղտնի տվյալները` ստիպելով նրանց անցնել վարակված կայք։ Check Point Software Technologies–ի հետազոտողները նշում են, որ տեսականորեն հանցագործները կարող են հարձակում կատարել ֆիշինգային առաքման միջոցով, հղում կատարելով AliExpress կայքի կեղծ տարբերակի վրա, որը պահանջում է մուտքագրել բանկային քարտի տվյալները` գնման գործընթացն ավելի պարզ դարձնելու համար։ –0–