ԵՐԵՎԱՆ, 12 օգոստոսի./Նովոստի–Արմենիա/. Երկրագնդին մոտենում է «պոտենցիալ վտանգ ներկայացնող» 2019 OU1 աստղակերպը, որի տրամագիծը 160 մետր է։ Դա 20 մետրով ավել է Քեոփսի բուրգի տրամագծից, հաղորդում է vesti.ru–ն։
Աստղակերպը Երկիր մոլորակին ամենամոտ հեռավորության վրա կգտնվի օգոստոսի 28–ին։ Երկրային մարմինը մեր մոլորակին ավելի մոտ կգտնվի, քան Վեներան։ Սակայն այն կանցնի Երկիր մոլորակի կողքով մոտ միլիոն կիլոմետր հեռավորության վրա։
Իսկ սեպտեմբերի 9–ին Երկիր մոլորակին կմոտենա 2006QV89 աստղակերպը։ Եվրոպական տիեզերական գործակալության կարծիքով, կա 7 հազարից ընդամենը մեկ հնարավորություն, որ այն կբախվի մեր մոլորակին։ Հիմա վտանգավոր աստղակերպը Երկիր մոլորակից գտնվում է 6,7 մլն կիլոմետր հեռավորության վրա։
Առաջիկա հարյուրամյակի համար ամենագլխավոր տիեզերական սպառնալիքը 2010RF12 աստղակերպն է։ Կա 16–ից մեկ հնարավորություն, որ այն կբախվի Երկրագնդի հետ 2095թ.–ին։ Այս աստղակերպն արդեն մոտեցել է Երկիր մոլորակին 2010 թ.–ին և անցել նրա կողքով ընդամենը 79000 կմ հեռավորության վրա։ Դա ընդամենը կրկնակի ավել է գեոստացիոնար արբանյակների ուղեծիրներից։–0–