Խոշոր ու ողբերգական ավտովթար Կոտայքի մարզում. վարորդին դուրս են բերել՝ օգտագործելով հատուկ տեխնիկա

20.05.2019, 16:44
Այսօր` մայիսի 20-ին, խոշոր ու ողբերգական ավտովթար է տեղի ունեցել Կոտայքի մարզում։
Խոշոր ու ողբերգական ավտովթար Կոտայքի մարզում. վարորդին դուրս են բերել՝ օգտագործելով հատուկ տեխնիկա

ԵՐԵՎԱՆ, 20 մայիսի. /Նովոստի-Արմենիա/. Այսօր` մայիսի 20-ին, խոշոր ու ողբերգական ավտովթար է տեղի ունեցել Կոտայքի մարզում։ 

Ինչպես հայտնում է shamshyan.com-ը, ժամը 04։30-ի սահմաններում Սևան քաղաքի բնակիչ՝ 30-ամյա Մանուկ Մանուկյանը իր վարած ՎԱԶ 21099 մակնիշի ավտոմեքենայով Երևան-Սևան ավտոճանապարհի 48 կմ հատվածում՝ դեպի Սևան ընթանալիս դուրս է եկել ճանապարհի երթևեկելի գոտուց, բախվել ճանապարհի բաժանարար գոտու երկաթյա արգելապատնեշին։

 Վթարի հետևանքով վարորդ Մ. Մանուկյանը տեղում մահացել է։

 Փաստի առթիվ հարուցվել է քրեական գործ՝ ՀՀ քր. օր-ի 242 հոդվածի 2-րդ մասի հատկանիշներով (Ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ)։ Մահացածին ավտոմեքենայից դուրս են բերել փրկարարները՝ օգտագործելով հատուկ տեխնիկա։-0-