Կանանց ուղեղն ավելի ակտիվ է աշխատում, քան տղամարդկանցը

ԵՐԵՎԱՆ, 12 օգոստոսի. /Նովոստի-Արմենիա/. ԱՄՆ –ի բժիշկները պարզել են, որ կանանց ուղեղի ակտիվությունն ավելի բարձր է, քան տղամարդկանցը: Ինչպես հաղորդում է gazeta.ru-ն հետազոտությունն հրապարակվել է Journal of Alzheimer ամսագրում:

Загружается новость ... "Лево"

Հետազոտողները վերլուծել են ավելի քան 46 հազար մարդու միաֆոտոնային տոմոգրաֆիայի արդյունքները և պարզել, որ կանանց ուղեղի ակտիվությունը շատ ավելի բարձր է, քան տղամարդկանցը: Գործունեության ամենամեծ տարբերությունը նկատվել է  ներճակատային կեղևում, որը պատասխանատու է որոշումների կայացման, կամային վերահսկողության, սոցիալական վարքի կարգավորման և  լիմբային համակարգի համար, որը ներգրավված է զգացմունքների, քնի, հիշողության, ներքին օրգանների գործառույթների կարգավորման գործում:

Վերլուծվել են ինչպես առողջ մարդկանց, այնպես էլ շիզոֆրենիայով տառապող, երկբևեռ խանգարումներ ունեցող, ուշադրության դեֆիցիտի և հիպերակտիվության համախտանիշ ունեցողների, ինչպես նաև ուղեղի վնասվածք ստացածների ուղեղի լուսանկարները: Հետազոտողներն ուսումնասիրել են 128 կամավորների ուղեղը՝ որոշակի առաջադրանքների կատարման և հանգստի ընթացքում:

Հետազոտողները նշում են, որ տղամարդկանց և կանանց ուղեղի գործունեության տարբերությունները կարևոր է, քանի որ սեռով է պայմանավորված ուղեղի որոշակի հիվանդությունների նկատմամբ հակումը: Կանայք ավելի շատ հակված են Ալցհեյմերի հիվանդության, դեպրեսիայի և անհանգստության խանգարումների, իսկ տղամարդիկ՝ վարքագծի խանգարումների: -0-