Արեգակի վրա անհավանական հզոր բռնկում է գրանցվել

ԵՐԵՎԱՆ, 7 սեպտեմբերի. /Նովոստի–Արմենիա/. Արեգակի վրա տեղի է ունեցել ամենահզոր բռնկումը վերջին 12 տարվա ընթացքում։

Դա տեղի է ունեցել արեգակնային բծերի երկու խոշորագույն խմբերի ձուլման հետևանքով։

Ինչպես գրում է lenta.ru–ն, հղում անելով ՌԻԱ Նովոստիին, համապատասխան դիտարկումներն իրականացրել են ռուս գիտնականները։

Նրանց կարծիքով, «նման հզոր երևույթները վերաբերում են այն խոշոր իրադարձություններին, որոնց ունակ է մեր աստղը և որոնք առաջանում են միայն շատ հազվագյուտ, բացառիկ պայմաններում, որպես կանոն, արեգակնային ակտիվության գագաթնակետում»։ Միաժամանակ, գիտնականների համար մինչև վերջ դեռ պարզ չեն այս երևույթի պատճառները։ Նրանք պետք է հասկանան, թե ինչու է նման մասշտաբի բռնկումը տեղի ունեցել արեգակնային նվազագույն ակտիվության պայմաններում։

Գրանցված արեգակնային բռնկումը պատկանում է X դասակարգման, այն կամում է Х9.3 միավոր։ Այն Արեգակի վրա գրանցված հինգ հզորագույն բռնկումներից մեկն է դիտարկումների ողջ պատմության ընթացքում։–0–