Առաջին անգամ երեխա է ծնվել երեք ծնողներից

ԵՐԵՎԱՆ, 28 սեպտեմբերի. /Նովոստի-Արմենիա/. Մեքսիկայում 2016 թ.-ի ապրիլին ծնվել է երեխա, որի բեղմնավորումը կատարվել է երրորդ անձի միտոքոնդրիալ ԴՆԹ-ի կիրառմամբ: Ինչպես հաղորդում է Lenta.ru-ն, այդ մասին հաղորդում է New Scientist ամսագիրը, որը նոր է հայտնում այս մասին` ելնելով էթիկայի նորմերից։

«Երեք ծնողների» մեթոդի պարագայում մոր ձվաբջիջ են ներարկրվում երրորդ անձի ԴՆԹ–ի միտոքոնդրիումներ: Արդյունքում, երեխան ստանում է երրորդ կողմի միտոքոնդրիալ ԴՆԹ-ն: Գիտնականները կարծում են, որ դա թույլ կտա խուսափել մոր կողմից փոխանցվող մուտացիաների ազդեցությունից, որոնք կարող են առաջացնել այնպիսի հիվանդություններ, ինչպիսիք են դիաբետը և խլությունը:

Վիրահատությունը անցկացվել է Մեքսիկայում ամերիկացի վիրաբույժ Ջոն Չանի Чан (John Zhang) կողմից: Վիրահատության վայրի ընտրությունը պայմանավորված էր նրանով, որ ԱՄՆ-ի օրենքները դեռևս արգելում են այս մեթոդի կիրառումը:

Չանին դիմել են հորդանանցի ամուսիններ, որոնց երկու երեխաները մահացել են Լեյի համախտանիշից (Leigh disease/syndrome): Այն ժառանգական հիվանդություն է, ինչի հետևանքով ախտահարվում է կենտրոնական նյարդային համակարգը:

Վիրահատության ժամանակ Չանը դոնոր կնոջ միտոքոնդրիալ ԴՆԹ-ն ներարկել է մոր ձվաբջիջի մեջ` ապահովագրելով երեխային Լեյի համախտանիշից: Հոդվածի հրապարակման պահին երեխան դարձել է հինգ ամսական, և առողջության բացասական գործոններ նրա մոտ չեն գրանցվել:

«Երեք ծնողների» մեթոդն առաջին անգամ հաջող կիրառվել է մարդու առողջ սաղմերի վրա 2016 թ.-ի սկզբին: -0-