ԵՐԵՎԱՆ, 29 հոկտեմբերի․ /Նովոստի-Արմենիա/․ Ռուսաստանի արտաքին գործերի նախարարության ներկայացուցիչ Մարիա Զախարովան մեկնաբանել է Թուրքիայի դեմ ռազմական նշանակության արտադրանքի միջազգային էմբարգո մտցնելու հնարավորությունը:
Բուլղարացի լրագրողը հիշեցրել է, որ թուրքական ինքնաթիռների հարվածները գրանցվել են քաղաքացիական օբյեկտների, ծննդատան և դպրոցի վրա, երբ Թուրքիան բացահայտ հայտարարում է Ադրբեջանին իր աջակցության մասին, այդ թվում՝ ռազմական: Նա հարցրել է, թե արդյո՞ք միջազգային օրենքի համաձայն հիմքեր կան Թուրքիայի դեմ ռազմական նշանակության արտադրանքի միջազգային էմբարգո սահմանելու համար, ինչը կարող է բացառել զենքի, ռազմական տեխնիկայի և կենդանի ուժի տեղափոխումը ղարաբաղյան հակամարտության գոտի, որպեսզի կողմերը վերադառնան բանակցությունների սեղանի շուրջ:
Загружается новость ... "Лево"
Զախարովան նշել է, որ ռուսական կողմն արդեն պատասխանել է այս հարցին և մեջբերել է ՌԴ արտգործնախարար Սերգեյ Լավրովի խոսքերը, որ Ռուսաստանը «բոլոր արտաքին խաղացողներին կոչ է անում անել հնարավորը՝ ռազմական սցենարի հետագա սրումը կանխելու, կողմերի հույզերը հանգստացնելու և համագործակցությունն ակտիվացնելու, որպեսզի պայմաններ ստեղծվեն խաղաղ գործընթացի վերսկսման համար»:
«Ես կկենտրոնանայի սրա վրա: Ես շեշտում եմ, որ մենք բոլոր ջանքերը գործադրում ենք իրավիճակը քաղաքական-դիվանագիտական խաղաղ հունի բերելու համար», - ասել է Զախարովան:-0-
