Ընդդիմությունը որոշում է կայացրել վարչապետի թեկնածուի հարցում․ լայնածավալ հանրահավաք է պատրաստվում (ՎԻԴԵՈ)
22:06
02 Դեկտեմբերի 2020
ԵՐԵՎԱՆ, 2 դեկտեմբերի․ /Նովոստի-Արմենիա/․ Որոշիչ հանրահավաքի մասին վաղը հայտարարություն կլինի։ Այս մասին այսօր՝ դեկտեմբերի 2-ին, վարչապետ Նիկոլ Փաշինյանի հրաժարականի պահանջով «Արժանապատվության երթի» ընթացքում լրագրողների հետ զրույցում ասաց ՀՅԴ անդամ Արծվիկ Մինասյանը։
«Չեմ ուզում փակագծերը բացել, բայց թող ժողովուրդն իմանա, որ այն սպասելիքները, որոնք արտաբերվել էին այս ընթացքում՝ ապագա զարգացումների հետ կապված, նոր ձեւավորվելիք անցումային կառավարության մասին, վաղը հայտարարության տեսքով կներկայացվեն եւ առաջին օրերին մեծ հանրահավաք կլինի», - ասաց նա։
Մաիժամանակ Մինասյանը հայտնեց, որ վաղը կհայտարարվի նաև երկրի ղեկավարի՝ ընդդիմության թեկնածուի անունը։
Այս ընթացքում ռազմական դրությունը չվերացնելու մասով Մինասյանը նշեց, որ «կառավարությունը սարսափում է օր առաջ պաշտոնազրկումից»։
«Աթոռը պահելու համար Նիկոլ Փաշինյանը պատրաստ է բոլոր հնարավոր սահմանափակումները պահպանել: Մեր հիմնական խնդիրը պետք է լինի այն, որ այս աթոռապաշտին, դավաճանության հիմնական կրողին հեռացնենք այդ աթոռից»,- ասաց նա։
Загружается новость ... "Лево"
Մինասյանը նշեց, որ ռազմական դրությունը պահպանելու որևէ անհրաժեշտություն չկա և իշխանությունն իրենց անգործությունն ու վախերը փորձում են քողարկել այս իրավական ռեժիմը պահելու մեջ:
«Եթե Փաշինյանը չի գիտակցում, որ նա այլևս որևէ նորմալ դրական արդյունք տվող չէ, ուրեմն նա կորցրել է նաև մտածելու ունակությունը»,-ասաց նա:
Ընդդիմադիրը ակնհայտ է համարում, որ ՌԴ-ի նկատմամբ Նիկոլ Փաշինյանի և իր վարչախմբի քաղաքականությունը ներկայիս իրավիճակի պատճառներից մեկն է։
«Հետևաբար, համոզված եմ՝ ցանկացած նոր իշխանություն, որն ունակ կլինի ՌԴ-ի հետ արդյունավետ դաշնակցային հարաբերություններ ձևավորել, ՌԴ-ն ընդունելու և համագործակցելու է այդ իշխանության հետ»,-նշեց Մինասյանը:-0-
Փաշինյանն ասում է, որ տպավորություն ունի, որ Ադրբեջանը որևէ հետաքրքրություն չի ցուցաբերում սահմանային կայունության և անվտանգության ապահովման հարցում․ ՎԻԴԵՈ