«Ուկրաինայում խաղաղությունը չպետք է և չի կարող հաստատվել ցանկացած գնով և Ռուսաստանի թելադրանքով»․ Մակրոն
06.03.2025,
11:54
Մակրոնը հանդես է եկել Ուկրաինայում ցանկացած գնով հրադադարի դեմ, հայտարարել է, որ սկսվել է անորոշության նոր դարաշրջան և անդրադարձել է միջուկային զենքի կիրառման հնարավորությանը
ԵՐԵՎԱՆ, 6 մարտի․/Նովոստի–Արմենիա/․ Ֆրանսիայի նախագահ Էմանուել Մակրոնը հանդես է եկել հեռուստատեսային ուղերձով։
Նա հանդես է եկել Ուկրաինայում ցանկացած գնով հրադադարի դեմ, հայտարարել է, որ սկսվել է անորոշության նոր դարաշրջան և անդրադարձել է միջուկային զենքի կիրառման հնարավորությանը։
«Коммерсантъ»-ը ներկայացնում է Մակրոնի հայտարարության առանցքային թեզերը.
- Ռուսաստանն այս պահին և առաջիկա տարիներին սպառնալիք է Ֆրանսիայի և Եվրոպայի համար։ Այն շարունակում է վերազինվել։
- Մենք այլևս չենք կարող հավատալ Ռուսաստանի խոսքերին։ Ուկրաինան իրավունք ունի խաղաղության և անվտանգության, ինչը համապատասխանում է նաև Եվրոպայի անվտանգության շահերին։
- Ուկրաինայում խաղաղությունը չպետք է և չի կարող հաստատվել ցանկացած գնով և Ռուսաստանի թելադրանքով, դա չպետք է լինի կապիտուլյացիա։ Խաղաղությունը չի կարող արտահայտվել փխրուն հրադադարով։
- ԱՄՆ-ն փոխել է իր դիրքորոշումը, այժմ ավելի քիչ է աջակցում Ուկրաինային։ Մեր անվտանգությունը և բարօրությունը դարձել են ավելի անորոշ։ Մենք թևակոխում ենք նոր դարաշրջան։ Ուզում եմ հավատալ, որ ԱՄՆ-ն կլինի մեր կողմից, բայց մենք պետք է պատրաստ լինենք, եթե դա այդպես չլինի։
- Եվրոպական զորքեր պետք է տեղակայվեն Ուկրաինայում՝ խաղաղության հաստատումից հետո դրա պահպանումը երաշխավորելու համար։
- Ընդունել եմ որոշում սկսել քննարկումներ Ֆրանսիայի միջուկային զենքի կիրառման վերաբերյալ՝ ամբողջ ԵՄ–ի պաշտպանության նպատակով։
- Եվրոպայի ապագան չպետք է որոշեն Մոսկվան և Վաշինգտոնը։
- Ֆրանսիան Եվրոպայի ամենաարդյունավետ բանակն ունի, բայց ռազմական բյուջեն անհրաժեշտ է շարունակաբար ավելացնել։
- Հաջորդ շաբաթ Փարիզում տեղի կունենա ԵՄ այն երկրների Գլխավոր շտաբերի ղեկավարների հանդիպումը, որոնք պատրաստ են երաշխավորել Ուկրաինայի ապագա խաղաղությունը։
Պատճենել հղումը
