Թեհրանը թույլ չի տա որևէ ոտնձգություն Իրան–Հայաստան սահմանի վրա․ պաշտպանության նախարար
ԵՐԵՎԱՆ, 21 մայիսի․/Նովոստի–Արմենիա/․ Իրանը թույլ չի տա որևէ ոտնձգություն Իրանի և Հայաստանի միջև սահմանին, հայտարարել է Իրանի Իսլամական Հանրապետության պաշտպանության և զինված ուժերի աջակցման նախարար, բրիգադի գեներալ Ազիզ Նասիրզադեն ՀՀ պաշտպանության նախարար Սուրեն Պապիկյանի հետ հանդիպման ժամանակ։
Նրա խոսքով, Իրանի և Հայաստանի ընդհանուր սահմանը երկու ազգերի միջև հաղորդակցության պատմական երթուղին է, և Թեհրանը թույլ չի տա ոտնձգություններ այդ սահմանի նկատմամբ, հաղորդում է Mehr իրանական լրատվական գործակալությունը։
Հանդիպման ընթացքում Նասիրզադեն ընդգծել է երկու երկրների միջև հարաբերությունների ռազմավարական նշանակությունը և հայտարարել է, որ Հայաստանը հատուկ տեղ է զբաղեցնում Իրանի բարիդրացիական քաղաքականության մեջ։
Նա նշել է, որ տարածաշրջանային սահմանների տարածքային ամբողջությունն ու կայունությունն իրանական քաղաքականության անփոփոխ սկզբունքներից մեկն է։
