Կալաշնիկովին հրաժեշտ կտան АК-47–ի համազարկով

27.12.2013, 11:44
Կալաշնիկովին հրաժեշտ կտան АК-47–ի համազարկով
Կալաշնիկովին հրաժեշտ կտան АК-47–ի համազարկով

Լեգենդար զինագործ Միխայիլ Կալաշնիկովին վերջին հրաժեշտ կտան նրա ստեղծած АК-47–ի համազարկով, ուրբաթ հայտնում է ՌԴ պաշտպանության նախարարությունը։

Կալաշնիկովը, որ ծնվել էր գյուղում և ընդամենը ինը դասարանի կրթություն, 27 տարեկանում ստեղծեց 20–րդ դարի լավագույն զենքը` АК-47–ը։

«Դեկտեմբերի քսանյոթին մերձմոսկովյան Դաշնային ռազմական հուշահամալիրի տարածքում կկայանա Ռուսաստանի Դաշնության հերոս, Սոցիալիստական աշխատանքի կրկնակի հերոս գեներալ–լեյտենանտ Միխայիլ Կալաշնիկովի հուղարկավորությունը»,– հիշեցնում են գերատեսչությունում, հաղորդում է ՌԻԱ Նովոստին։

Կալաշնիկովին հողին հանձնելու պահին Պրեոբրաժենսկիի առանձին 154–րդ պարեկային գունդը «եռակի սգո համազարկ կտա լեգենդար կոնստրուկտորի ստեղծած АК-47–ից»։

Կալաշնիկովը մահացավ դեկտեմբերի 23–ին, կյանքի 95–րդ տարում։ Չորեքշաբթի և հինգշաբթի հրաժեշտի արարողություն անցկացվեց Իժևսկում։ Լեգենդար կոնստրուկտորի հրաժեշտի արարողությանը ներկա լինելու համար շուրջ 60 հազար մարդ էր հավաքվել։ -0-