ԵՐԵՎԱՆ, 17 նոյեմբերի./Նովոստի-Արմենիա/. Ռուսաստանի նախագահ Վլադիմիր Պուտինը հայտնել է, որ հոկտեմբերի 19-20-ը մի շարք հեռախոսազրույցներ է ունեցել Ադրբեջանի նախագահ Իլհամ Ալիևի, ինչպես նաև Հայաստանի վարչապետ Նիկոլ Փաշինյանի հետ:
Загружается новость ... "Лево"
«Այն ժամանակ Ադրբեջանի ԶՈւ-երը վերահսկողության տակ էին վերցրել Ղարաբաղի հարավային աննշան հատվածը»,- հայտնել է նա՝ «Россия-24» հեռուստաալիքի եթերում պատասխանելով ԶԼՄ-ների հարցերին Լեռնային Ղարաբաղում ստեղծված դրության շուրջ :
Պուտինը նշել է, որ ընդհանուր առմամբ, իրեն հաջողվել է համոզել Ալիևին, որ կարելի է դադարեցնել ռազմական գործողությունները, «բայց նրա կողմից պարտադիր պայման էր գաղթականների վերադարձը, այդ թվում, քաղաք Շուշի»:
«Բայց ինձ համար անսպասելի կերպով մեր հայ գործընկերների համար անընդունելի էր այս դիրքորոշումը: Եվ վարչապետ Նիկոլ Փաշինյանն ինձ ուղիղ ասաց, որ դրանում նա վտանգ է տեսնում Հայաստանի և Ղարաբաղի շահերի համար: Ինձ համար այժմ այնքան էլ հասկանալի չէ, թե ինչ վտանգի մասին էր խոսքը, եթե այն խաղաղ բնակիչների վերադարձի մասին էր, ընդ որում այն դեպքում, երբ հայկական կողմը պահպանում էր Ղարաբաղի այդ հատվածի նկատմամբ վերահսկողությունը, այդ թվում Շուշիի, և ընդ որում մեր խաղաղապահների ներկայությամբ, ինչի մասին մենք այն ժամանակ պայմանավորվում էինք Հայաստանի և Ադրբեջանի հետ»,- հայտնել է Ռուսաստանի նախագահը: -0-