Եվրախորհրդարանի ընդունած բանաձևը չի ստիպի Թուրքիային ճանաչել Հայոց ցեղասպանությունը. փորձագետ
ԵՐԵՎԱՆ, 18 ապրիլի. /Նովոստի–Արմենիա/. Եվրախորհրդարանի ընդունած բանաձևը չի ստիպի Թուրքիային ճանաչել Հայոց ցեղասպանությունը, «Sputnik-Արմենիա» ռադիոկայանին տված հարցազրույցում հայտնեց քաղաքագետ Նարեկ Գալստյանը։
Չորեքշաբթի Եվրահանձնաժողովն ընդունեց բանաձև, որը կոչ է անում Թուրքիային «ճանաչել Հայոց ցեղասպանությունը» և այդպիսով օժանդակել երկու ժողովուրդների միջև խաղաղության վերականգնմանը։
Փորձագետի կարծիքով` բանաձևը պարտադիր չէ իրավաբանական տեսանկյունից իրագործման համար, սակայն քաղաքական լավ գործիք կարող է դառնալ, եթե Հայաստանը կարողանա այն օգտագործել Թուրքիայի հակահայկական քաղաքականության դեմ։
«Քանի դեռ չկա պատժի գործիք, Հայաստանի և միջազգային կառույցների կողմից փոխհատուցումների պահանջներ, նմանատիպ բանաձևերը զուտ հռչակագրային բնույթ են կրելու` չազդելով իրական քաղաքական գործընթացների վրա»,– ասաց Գալստյանը։ -0-
