Հայաստանի ԱԳՆ և ՊՆ ղեկավարները պահպանել են իրենց պաշտոնները նոր կառավարությունում
ԵՐԵՎԱՆ, 15 ապրիլի. /Նովոստի–Արմենիա/. Հայաստանի պաշտպանության նախարար Սեյրան Օհանյանը և արտաքին գործերի նախարար Էդվարդ Նալբանդյանը պահպանել են իրենց պաշտոնները նոր կառավարությունում, հայտնում է հայկական պետության ղեկավարի մամուլի ծառայությունը։
Նախարարների վերանշանակման համապատասխան հրամանագրերը երեքշաբթի ստորագրել է Հայաստանի նախագահ Սերժ Սարգսյանը։
Կիրակի օրը Հայաստանի հանրապետական կուսակցությունը ՀՀԿ առաջնորդ, Հայաստանի նախագահ Սերժ Սարգսյանի առաջարկով վարչապետի պաշտոնին առաջադրեց խորհրդարանի խոսնակ Հովիկ Աբրահամյանի թեկնածությունը` ապրիլի 3–ին հրաժարական տված Տիգրան Սարգսյանի փոխարեն։
Հանրապետության նախագահը վարչապետ է նշանակում կառավարության հրաժարականից հետո տասնօրյա ժամկետում։ Կառավարությունը ձևավորվում է վարչապետի նշանակումից հետո քսանօրյա ժամկետում։ -0-
