Ժողովրդավարության եվրոպական հիմնադրամը կհամագործակցի Հայաստանի հետ

Ժողովրդավարության եվրոպական հիմնադրամը  (European Endowment For Democracy), որը ստեղծվել է Եվրախորհրդարանի և այլ եվրոպական ինստիտուտների մակարդակով ընդունված որոշումների համաձայն, մտադիր է համագործակցել Հայաստանի հետ, ասաց ՀՅԴ ներկայացուցիչ Վահան Հովհաննիսյանը:

«Սա նոր կառույց է, արդեն ունի իր հռչակագիրը, ակտիվորեն կաշխատի «Արևելյան գործընկերության» բոլոր երկրների հետ, այդ թվում՝ Հայաստանի»,- ուրբաթ մամուլի ասուլիսի ժամանակ ասաց Հովհաննիսյանը:
Նա պարզաբանեց, որ Հիմնադրամի ներկայացուցչություններ չեն ստեղծվի  սահմանափակ ռեսուրսների պակասի պատճառով, սակայն կառույցը մտադիր է ֆինասնավորել եվրոպական ժողովրդավարության ձևավորման վրա շեշտադրում անող տարբեր կազմակերպությունների:

Նա տեղեկացրեց նաև, որ տվյալ փուլում աշխատանքային խումբ է ստեղծվում, որը կպարզի և կհաստատի կառույցի աշխատանքի տեխնիկական և ընթացակարգային մանրամասները: -0-