Հայաստանի Ազգային անվտանգության խորհուրդը գրեթե ավարտել է Մարդու իրավունքների պաշտպանության ազգային ռազմավարության մշակումը

Հայաստանի Ազգային անվտանգության խորհրդի կողմից իրականացվող մարդու իրավունքների պաշտպանության ազգային ռազմավարության մշակման աշխատանքներն ավարտական փուլում են, ասաց ԱԽ քարտուղար Արթուր Բաղդասարյանը:

«Ռազմավարության հաստատումն ու իրականացումն էապես կբարելավվի Հայաստանի մարդու իրավունքների պաշտպանության հետ կապված իրավիճակը»,- հինգշաբթի մամուլի ասուլիսի ժամանակ ասաց նա:
Բաղդասարյանը տեղեկացրեց նաև, որ 2011թ.-ին ավելի քան 20 միջգերատեսչական աշխատանքային խումբ է ձևավորվել, որոնք զբաղվել են երկրի ռազմավարական զարգացման հետ կապված կարևորագույն փաստաթղթերի մշակմամբ և քննարկմամբ, որից 11-ն արդեն հաստատվել են պետության ղեկավարի կողմից:

«Խոսքը Հայաստանի արդյունաբերական անվտանգության ապահովման հայեցակարգի, Ռազմաարդյունաբերական համալիրի արդյունավետության բարձրացման և բարեփոխման ռազմավարության, Կազմակերպված հանցավորության դեմ պայքարի ազգային ծրագրի, Հայաստանի քաղաքացիական պաշտպանության հայեցակարգի, 2011-2013թթ.-ի հարկային և մաքսային ոլորտի բարեփոխումների ծրագրի մասին է»,- պարզաբանեց նա:
Ազգային անվտանգության խորհրդի քարտուղարն ավելացրեց նաև, որ ևս ինը փաստաթղթերի մշակումն ավարտման փուլում է:

«Դրանք վերաբերում են մասնավորապես տրանսպորտային անվտանգությանը, տարածքային կառավարման հարցերին, էներգետիկ անվտանգության ապահովմանը»,- ասաց Բաղդասարյանը: -0-