Ուկրաինայում ՀՀ դեսպանը պարգևատրվել է I աստիճանի շքանշանով մարդու իրավունքների և ազատությունների պաշտպանության գործում ունեցած վաստակի համար

ԵՐԵՎԱՆ, 23 դեկտեմբերի. /Նովոստի-Արմենիա/. Ուկրաինայում ՀՀ արտակարգ և լիազոր դեսպան Անդրանիկ Մանուկյանը պարգևատրվել է I աստիճանի շքանշանով «մարդու իրավունքների և ազատությունների պաշտպանության գործում ունեցած վաստակի համար»:

Պարգևը հանձնվում է ՀՀ արտակարգ և լիազոր դեսպան Անդրանիկ Մանուկյանին «Մարդու իրավունքների և ազատությունների պաշտպանության միջազգային կոնգրես» միջազգային հասարակական կազմակերպության կողմից, հաղորդում է Analitika.at.ua կայքը:

Պարգևատրման հանդիսավոր արարողությունը տեղի է ունեցել 2011 թ.-ի դեկտեմբերի 22-ին Ուկրաինայում ՀՀ դեսպանատանը:

Շնորհավորական ուղերձում նշվում է, որ նման պարգևաները հանձնվում են միայն ընտրյալներին, ովքեր մեծ ներդրում են կատարել տարբեր երկրների ժողովուրդների միջև խաղաղության ամրապնդման, եղբայրական բարեկամության զարգացման և համագործակցության գործում, ինչպես նաև հսկայածավալ արտաքին ավանդ են ունեցել քաղաքացիների իրավունքների և ազատությունների պաշտպանության, համաշխարհային հանրության և ժամանակակից պետականության զարգացման գործում:

Առաջին աստիճանի շքանշանի պարգևատրման թեկնածուների թվում են Խաղաղության նոբելյան մրցանակի դափնեկիր Շիրին Էբադին և այնպիսի հայտնի քաղաքական գործիչներ, ինչպիսիք են Ղազախստանի նախագահ Նուրսուլթան Նազարբաևը, Ուկրաինայի վարչապետ Նիկոլայ Ազարովը:-0-