Հայաստանի առաջիկա քաղաքական իրադարձությունները կորոշեն հայկական կուսակցությունների համապատասխանությունը ԵԺԿ չափորոշիչներին. «Ժառանգություն»

Հայաստանի առաջիկա քաղաքական իրադարձությունները կօգնեն որոշել Եվրոպական ժողովրդական կուսակցության (ԵԺԿ) անդամակցությանը հավակնող հայկական կուսակցությունների համապատասխանությունը այդ քաղաքական ուժի չափորոշիչներին և ժողովրդավարության փորձություն կդառնան, երկուշաբթի լրագրողներին ասաց «Ժառանգություն» ընդդիմադիր կուսակցության առաջնորդ Րաֆֆի Հովհաննիսյանը:
 
ԵժԿ-ն Եվրամիության խոշոր կուսակցություններից մեկն է, որը կազմում է Եվրախորհրդարանի մեծամասնությունը և ներառում է աշխարհի 39 երկրի ազգային կուսակցություններ:
«Տվյալ պահին ոչ մի հայկական կուսակցություն ԵԺԿ անդամ չէ: Բարձր չափանիշները ենթադրում են նվիրվածություն ժողովրդի շահերի հանդեպ, թափանցիկ և արդար ընտրություններ, մարդու իրավուքների և ժողովրդավարության պաշտպանություն»,- կարծում է Հովհաննիսյանը:
Ներկայում «Ժառանգություն» կուսակցության հետ մեկտեղ Եվրոպական ժողովրդական կուսակցության կազմում ընդգրկվելու շահագրգռվածություն են հայտնում նաև կոալիցիոն ուժերը՝ Հայաստանի Հանրապետական կուսակցությունը, «Բարգավաճ Հայաստանը» և «Օրինաց երկիրը»:
 
ԵԺԿ որոշումը կհրապարակվի 2012թ.-ի փետրվարին:
«Ժառանգություն» կուսակցությունը հիմնադրվել է 2002թ.-ին ՀՀ նախկին արտգործնախարար Րաֆֆի Հովհաննիսյանի կողմից: -0-