Ռուս դեսպանը կոչ է արել Հայաստանում բնակվող բոլոր համաքաղաքացիներին ակտիվորեն մասնակցել դեկտեմբերի 4-ին կայանալիք ընտրություններին

Հայաստանում ՌԴ արտակարգ և լիազոր դեսպան Վյաչեսլավ Կովալենկոն կոչ է արել Հայաստանում բնակվող ՌԴ բոլոր քաղաքացիներին ակտիվ մասնակցություն ունենալ Պետդումայի ընտրություններին, որոնք կանցկացվեն դեկտեմբերի 8-ին:

«Դեկտեմբերի 4-ին ժամը 8.00-20.00-ը բոլոր համաքաղաքացիներին հրավիրում եմ մասնակցել ՌԴ Դաշնային ժողովի Պետդումայի պատգամավորների ընտրություններին, որը կանցկացվի Հայաստանում ՌԴ դեսպանատանը, ինչպես նաև Գյումրիում ՌԴ գլխավոր հյուպատոսությանն առընթեր քվեարկության համար նախատեսված շենքում»,- տեղեկացրեց դեսպանը:

Ըստ նրա, խորհրդարանական ընտրությունները ՌԴ քաղաքացիների համար աննախադեպ հնարավորություն են ստեղծում մասնակցություն ունենալ ՌԴ Դաշնային ժողովի ստորին պալատի կազմի ձևավորմանը: «Այդ իրադարձությունը կարևոր նշանակություն ունի Ռուսաստանի կյանքի, նրա զարգացման համար բարենպաստ պայմանների ստեղծման համար՝ որպես ժամանակակից, դինամիկ և բարգավաճող պետություն»,- նշեց Կովալենկոն:
Ըստ նրա, ակնկալվում է, որ Հայաստանի ընտրություններին կմասնակցի շուրջ յոթ հազար մարդ:
Դեսպանը տեղեկացրեց, որ Հայաստանի քվեարկությունը կանցկացվի դիտորդների ներկայությամբ՝ հաշվի առնելով ՌԴ օրենսդրության բոլոր պահանջները: Ընտրողները պետք է ունենան իրենց մոտ ՌԴ քաղաքացու վավեր անձնագիր:

Լրագրողների հետ զրույցում դեսպանը նշեց, որ արդեն որոշել է ում է ձայն տալու և այդ մասին կասի ընտրություններից հետո: -0-