Երևանի քաղաքապետը չի ձգտում զբաղվել քաղաքականությամբ, սակայն Հայաստանի հետ կապերը չի խզի

ԵՐԵՎԱՆ, 28 հոկտեմբերի. /Նովոստի-Արմենիա/. Երևանի քաղաքապետ Կարեն Կարապետյանն ուրբաթ «Արմնյուզ» հեռուստաալիքին տված հարցազրույցում հայտարարել է, որ չի ձգտում զբաղվել քաղաքականությամբ, սակայն Հայաստանի հետ կապերը չի խզի:

«Ես երբեք ցանկություն չեմ ունեցել զբաղվել քաղաքական գործունեությամբ: Ես չկամ այդ դաշտում, սակայն դա չի նշանակում, որ կապեր չեմ ունենալու Հայաստանի կամ այսօրվա իրականության կամ այսօրվա թիմի հետ, որի անդամ եմ ինձ համարում», - ասել է Կարապետյանը:
Նա նշել է, որ այս հարցում «ամեն ինչ դեռ առջևում է»:

Երևանի քաղաքապետ Կարեն Կարապետյանն հաստատել է իր հրաժարականի վերաբերյալ լուրերը և բացատրել այդ որոշումն այլ աշխատանքի անցնելով և անձնական պատճառներով:

Կարեն Կարապետյանը Երևանի քաղաքապետ է ընտրվել Ավագանու խորհրդի կողմից Հայաստանի նախագահի առաջարկով՝ 2010 թվականի դեկտեմբերի 17-ին: Մինչև այդ պաշտոնում նշանակվելը նա Հայաստանի ներքին շուկայում ռուսական բնական գազի մատակարարման և բաշխման մենաշնորհ ունեցող «ՀայՌուսԳազարդի» (բաժնետերերն են՝ «Գազպրոմ» ԲԲԸ-ն և Հայաստանի կառավարությունը) գլխավոր տնօրեն է եղել:  -0-