«Նովոստի-Արմենիա» գործակալությունը մեջբերման վարկանիշով կրկին հայկական ԶԼՄ-ների առաջատարն է. Yandex

Yandex.ru որոնողական համակարգի վարկածով՝ «Նովոստի-Արմենիա» միջազգային լրատվական գործակալության կայքը հայկական ԶԼՄ-ների շարքում շարունակում է զբաղեցնել առաջին տեղը՝ ըստ մեջբերման թեմատիկ ցուցիչի:

Մեջբերման թեմատիկ ցուցիչը (ՄԹՑ) կայքի կամ ավելի հստակ Yandex որոնողական համակարգի կողմից Ինտերնետ ռեսուրսի կարևորության ցուցանիշն է (հեղինակության աստիճանը), որը որոշվում է այդ ռեսուրսում արտաքին հղումների որակի ներքին վերլուծության հաշվին։ ՄԹՑ-ի վերահաշվարկն անցկացվում է երկու ամիսը մեկ անգամ:

Վարկանիշի համաձայն, «Նովոստի-Արմենիա» գործակալության դիրքը, նախորդ վարկանիշի համաձայն, բարձրացել է 100 կետով: Այսպիսով, ամենամեջբերված հայկական ԶԼՄ-ների եռյակը հետևյալ տեսքն ունի՝ «Նովոստի-Արմենիա»՝ 1500 վարկանիշով, News.am ՝ 1300 վարկանիշով և Panarmenian.net  պորտալը՝  1200 վարկանիշով։

«Նովոստի-Արմենիա» գործակալությունն արդեն երկու տարի է՝ հետևում է հայկական Ինտերնետ ռեսուրսների շրջանում Yandex.ru որոնողական համակարգի վարկածով Ինտերնետ ռեսուրսների մեջբերման ցուցիչին, և այդ ողջ ժամկետի ընթացքում կայքը հայկական Ինտերնետ ռեսուրսների ցուցակում անընդհատ առաջին տեղն է զբաղեցնում:

«Նովոստի-Արմենիա» գործակալությունը հայկական լրատվական շուկայի առաջատարներից է։ 2005թ. հուլիսին գրանցված «Նովոստի-Արմենիա» գործակալության հիմնական նպատակը երկրի քաղաքական, սոցիալական և մշակութային կյանքը լուսաբանելն է:
2005 թ. դեկտեմբերի 8-ին «Նովոստի-Արմենիա» գործակալությունն ու «ՌԻԱ Նովոստի» ռուսական միջազգային տեղեկատվական գործակալությունը ստորագրել են համաձայնագիր՝ տեղեկատվության փոխանակման բնագավառում համագործակցության մասին։

«Նովոստի-Արմենիա» գործակալությունը 2009թ. մարտին լավագույնն է ճանաչվել  «Եվրոպական թեմաների մոնիտորինգը հայկական ԶԼՄ-ներում» ծրագրի «Եվրոպական թեմաներն առավել լայնորեն լուսաբանող ԶԼՄ» անվանակարգում: Մրցույթն իրականացվել է «Եվրոպական ինտեգրացիա» հասարակական կազմակերպության և Հայաստանում Մեծ Բրիտանիայի դեսպանատան կողմից: 

2009թ.-ի հուլիսին Business Initiative Directions (BID) միջազգային կազմակերպությունը «Նովոստի-Արմենիա» գործակալությանը «Gold» կատեգորիայի Միջազգային աստղ մրցանակ է շնորհել։-0-