Հայ մտավորականները հացադուլ հայտարարած Հովհաննիսյանին կոչ են անում քաղաքացիական պայքարը շարունակել նոր ձևերով

Հայ մտավորականության ավելի քան 30 ներկայացուցիչներ մարտի 15-ին «Ժառանգություն» ընդդիմադիր կուսակցության հացադուլ հայտարարած առաջնորդին ուղերձ են հղել՝ կոչ անելով քաղաքացիական պայքարը շարունակել նոր ձևերով:

Հայտնի գիտնականները, գիտության և արվեստի գործիչները, ովքեր ստորագրել են ուղերձում, հայտնել են, որ բարձր են գնահատում Ազատության հրապարակում 15-օրյա հացադուլ-քաղաքացիական բողոքը ու կարևորում են դրա հասարակական արձագանքը:

«Ձեր քայլով քաղաքականությունը դրվեց բարոյական հիմքի վրա` նոր դիմագիծ հաղորդելով ընդդիմությանըե,- ասվում է նրանց ուղերձում:

Փաստաթղթում նշվում է, որ երկրում առկա բարդ խնդիրների լուծումը  պահանջում է բոլորիս միասնական ներուժի համատեղումն ու ուղղորդումը անհետաձգելի համակարգային փոփոխությունների համար: 

Մտավորականության ներկայացուցիչները նշել են, որ հանուն նպատակների իրագործման և հենվելով քաղաքացիական լայն հասարակության ու մտավորականության զորակցության վրա` Րաֆֆի Հովհաննիսյանից ակնկալում են քաղաքացիական պայքարը շարունակել նոր ձևերով և առաջնորդել ապագայի փոփոխություններին հասնելու գործընթացները` խորհրդարանի ամբիոնից մինչև հրապարակ, հրապարակախոսությունից մինչև հանրահավաք: -0-