ԵՐԵՎԱՆ, 2 հոկտեմբերի. /Նովոստի-Արմենիա/. Հայաստանի վարչապետ Նիկոլ Փաշինյանը, ով գտնվում է Հայաստանի ԱԺ շենքում, գնացել է խորհրդարանական խմբակցությունների ներկայացուցիչների հետ խորհրդակցելու:
Ավելի վաղ երեքշաբթի օրը Փաշինյանը հանրահավաքի ժամանակ ասել է,
որ հրաժարական կտանրանից հետո, երբ «Բարգավաճ Հայաստան» և ՀՅԴ կուսակցությունների նախարարների ազատման հրամանները դե յուրե ուժի մեջ կմտնեն:
«Այժմ ես կփորձեմ հասկանալ մեր գործընկերների դիրքորոշումը ճգնաժամը հաղթահարելու վերաբերյալ: Կարծում եմ, որ համաձայնության կգանք արտահերթ ընտրությունների անցկացման հարցում, և որ նրանք իմ հրաժարականից հետո չեն ներկայացնի վարչապետի թեկնածություն` մարդկանց չնյարդայնացնելու համար»,- ասաց նա լրագրողներին:
Загружается новость ...
"Право"
Փաշինյանը հույս հայտնեց, որ գործընկերներն ադեկվատ դիրքորոշում կդրսևորեն:
Ավելի վաղ նա հայտարարել է, որ Հայաստանի հանրապետական կուսակցությունը և բոլոր հակահեղափոխական ուժերը պետք է արմատախիլ անել Հայաստանի քաղաքական կյանքից:
«Վատ չէր լինի, որ համապատասխան համաձայնագիր ստորագրվեր»,- ավելացրել է նա:
Վարչապետը չբացառեց նաև, որ խորհրդարանական ընտրությունները կարող են անցկացվել ավելի վաղ, քան դեկտեմբերի 15-ը:
«Բոլոր որոշումները կընդունվեն իրավիճակին համապատասխան»,- հավելեց նա:
Загружается новость ... "Лево"
ՀՀ ԱԺ–ն երեքշաբթի արտահերթ նիստում երկրորդ և վերջին ընթերցմամբ ընդունեց «Ազգային ժողովի կանոնակարգի մասին» օրենքում նախատեսված փոփոխությունները, որոնք թույլ կտան պատգամավորներին ապահովագրվել խորհրդարանի հնարավոր արձակումից։ Օրինագծին «կողմ» քվեարկեցին ՀՀԿ, «Ծառուկյան» և ՀՅԴ խմբակցությունները, դեմ էր միայն «Ելք» խմբակցությունը։ Ըստ փոփոխությունների, եթե ԱԺ նիստը չի կարող անցկացվել քվորումի բացակայության պատճառով կամ ստեղծվում են խոչընդոտներ նիստին պատգամավորների մասնակցության համար, ապա առաջարկվում է դադարեցնել նիստն ու շարունակել խոչընդոտող հանգամանքների վերացումից հետո։ Ինչպես կարծում են օրենքի հակառակորդները, այդ կերպ ՀՀԿ–ն և օրինագծին աջակցող քաղաքական ուժերը փորձում են ապահովագրվել խորհրդարանի հնարավոր արձակումից և ԱԺ արտահերթ ընտրությունների անցկացումից։ Խնդիրն այն է, որ ըստ ԱԺ կանոնակարգի, եթե պատգամավորները երկու անգամ չքվեարկեն վարչապետի թեկնածուի օգտին, ապա ԱԺ–ն արձակվում է օրենքի ուժով։–0–