Փաշինյանի նկատմամբ քրեական գործ հարուցվե՞լ է, թե՞ ոչ․ պարզաբանում է ՀՔԾ-ն

ԵՐԵՎԱՆ, 24 սեպտեմբերի․ /Նովոստի-Արմենիա/․ Հայաստանի հատուկ քննչական ծառայությունը հինգշաբթի օրը պաշտոնական պատասխան է տվել ԶԼՄ-ներում հայտնված հրապարակումներին այն մասին, որ Վարչապետ Նիկոլ Փաշինյանի դեմ քրեական գործ է հարուցվելու «Մեկ Հայաստան» կուսակցության նախագահ Արթուր Ղազինյանի հայցադիմումի շրջանակներում:

Մասնավորապես, «Փաստ» լրատվականը սեպտեմբերի 24-ին լ էր մի հոդված, համաձայն որի` դատարանը բավարարել է Զազինյանի միջնորդությունը, որով վերջիններս պահանջել են քրեական գործ հարուցել Փաշինյանի և առողջապահության նախարար Արսեն Թորոսյանի դեմ այն ​​բանի համար, որ վերջիններս քաղաքական նպատակներ հետապնդելով` մոլորեցրել են բնակչությանը՝ կորոնավիրուսի խնդրի վերաբերյալ:

ՀՔԾ մամուլի ծառայության հաղորդագրության մեջ նշվում է, որ որոշ լրատվամիջոցներ, հավատարիմ մնալով ապատեղեկատվություն տարածելու իրենց գործելաոճին, դարձյալ շարունակում են միտումնավոր ապակողմնորոշել հանրությանը ոչ հավաստի և մանիպուլյացիոն բնույթի հրապարակումներով:

Մասնավորապես` «Փաստ» օրաթերթի` «Դատարանը բավարարեց Ղազինյանի բողոքը. Նիկոլ Փաշինյանի նկատմամբ կհարուցվի քրեական գործ` պաշտոնեական կեղծիքով» վերտառությամբ այսօրվա հրապարկման առնչությամբ հարկ ենք համարում հայտնել, որ 2020 թվականի սեպտեմբերի 22-ին դատավոր Տաթևիկ Գրիգորյանի կողմից կայացված դատական ակտը որևէ առնչություն չունի ՀՀ հատուկ քննչական ծառայությունում նախապատրաստված նյութերով կայացված`քրեական գործ հարուցելը մերժելու մասին որոշման դեմ Արթուր Ղազինյանի կողմից ներկայացված բողոքի հետ: Նշված բողոքը քննվում է այլ դատավորի վարույթում: Տաթևիկ Գրիգորյանի վարույթում քննվել է Ա. Ղազինյանի բողոքը իր մեկ այլ հաղորդման հիման վրա նյութեր չնախապատրաստելու վերաբերյալ: Դատարանի կողմից վարույթն իրականացնող մարմնին ընդամենը պարտավորեցվել է նախապատրաստել նյութեր` քրեական գործ հարուցելու հարցը քննարկելու համար: Այսինքն` դատարանի որոշումը վերաբերում է դիմումը քննարկելու ընթացակարգին, և նշված որոշումը Ա. Ղազինյանի հայտարարության կապակցությամբ քրեական գործ հարուցելու հիմք չէ:

«Այսպիսով` նման անհարմար իրավիճակներում չհայտնվելու համար վերը նշված լրատվամիջոցին խորհուրդ ենք տալիս տեղեկատվության հավաստիության վերաբերյալ նախապես պարզաբանումներ ստանալ ՀՀ հատուկ քննչական ծառայությունից»,- ասվում է հաղորդագրության մեջ:-0-