Փաշինյանի դաշինքի պատգամավորների թեկնածուները վարկաբեկում են միմյանց

ԵՐԵՎԱՆ, 27 նոյեմբերի. /Նովոստի–Արմենիա/. «Իմ քայլը» դաշինքի ռեյտինգային թեկնածուներն իշխանության համար պայքար են սկսել։

Ինչպես գրում է «Ժամանակ» թերթը, այս թեկնածուները, համարելով, որ կողքից որևէ մրցակից չունեն, և իրենց իրական հակառակորդները հենց դաշինքի կողմից առաջադրված թեկնածուներն են, ամեն ինչ անում են իրար վարկաբեկելու համար:

Ինչպես նշում է աղբյուրը, օրինակ, Երևանի Նոր Նորք, Ավան և Քանաքեռ-Զեյթուն վարչական շրջաններն ընդգրկող թիվ 1 ընտրատարածքում պատգամավորի թեկնածու է Կարեն Չիլինգարյանը:


Այս ընտրատարածքում «Իմ քայլի» մյուս թեկնածուները նրան մեղադրում են կուսակցական ռեսուրսները չարաշահելու մեջ՝ ասելով, որ Չիլինգարյանի հորեղբայրը ՔՊ-ի տարածքային կառույցի ղեկավարն է, և այդ ռեսուրսը օգտագործում է բացառապես եղբորորդու համար:

Պարբերականը հիշեցնում է, որ այս ընտրատարածքից ՔՊ-ի կողմից առաջադրված են նաև սփյուռքի նախարար Մխիթար Հայրապետյանը և վարչապետ Նիկոլ Փաշինյանի խորհրդական Մեսրոպ Պապիկյանը: -0-