ԵՐԵՎԱՆ, 28 սեպտեմբերի․ /Նովոստի-Արմենիա/․ԱՄՆ նախագահ Դոնալդ Թրամփը ճեպազրույցի ընթացքում անդրադարձել
է Արցախի շփման գծում ընթացող մարտերի թեմային:
«Մենք ուշադիր հետևում ենք, թե ինչ է տեղի ունենում: Ես լսել եմ երեկ տեղի ունեցածի մասին: Մենք շատ ուշադիր հետևում ենք: Մենք շատ լավ հարաբերություններ ունենք այդ տարածաշրջանում, և կտեսնենք, արդյոք կկարողանանք դա կասեցնել », - ասել է Թրամփը, ում ելույթը մեջբերվում է Սպիտակ տան Twitter-յան էջում:
Արցախում իրավիճակի սրման մասին
Загружается новость ...
"Право"
Սեպտեմբերի 27–ին ժամը 07։10–ին Ադրբեջանի ԶՈւ–ն լայնածավալ գործողություններ է սկսել Արցախի շփման գծի ողջ երկայնքով։ Հայաստանի և Արցախի ՊՆ–ների հաղորդմամբ, հակառակորդը սկսել է օդային և հրթիռային հարձակումներ, սակայն հետ է մղվել մի քանի ուղղություններով։ Ադրբեջանական կողմը կրել է մարդկային կորուստներ, ոչնչացվել է 30 տանկ, 3 ուղղաթիռ, մոտ 20 ԱԹՍ։ Հայկական կողմը հայտարարել է 16 զոհի և ավելի քան 100 վիրավորի մասին։ Ադրբեջանական ԶՈւ–ն գնդակոծում է նաև խաղաղ բնակավայրերը, այդ թվում` Արցախի մայրաքաղաք Ստեփանակերտը։ Արցախում և Հայաստանում հայտարարվել է ռազմական դրություն և համընդհանուր զորահավաք։–0–