526.75
7.47
477.17
+6
Եղանակը Երևանում
Հայ

Մարուքյանը պատասխանել է «Коммерсант»-ին Փաշինյան-Ալիև դուելի մասին. «Իսկ մենք կհիշեցնենք…»

20:27
12 Հոկտեմբերի 2019

ԵՐԵՎԱՆ, 12 հոկտեմբերի. /Նովոստի-Արմենիա/. «Լուսավոր Հայաստան» խմբակցության ղեկավար Էդմոն Մարուքյանն իր կարծիքն է հայտնել նախօրեին ԱՊՀ պետությունների առաջնորդների գագաթնաժողովում Ադրբեջանի նախագահի` Գարեգին Նժդեհին վերաբերող արտահայտությունների և վարչապետի Փաշինյանի պատասխանի վերաբերյալ:

Մարուքյանը Facebook-ի իր էջում անդրադարձել է «Коммерсантъ» պարբերականի հրապարակած «Нжде меня, и я вернусь» հոդվածին, որում ասվում է, որ այս գագաթնաժողովը նախևառաջ կհիշվի Ադրբեջանի և Հայաստանի առաջնորդների «հարաբերություններ պարզելու» սկանդալով:

«Հայաստանի վարչապետի և Ադրբեջանի նախագահի նախօրեի դուելն ԱՊՀ պետությունների առաջնորդների գագաթնաժողովում ցնցեց հետխորհրդային տարածքի տեղեկատվական դաշտը:

Դժվար թե ինչ-որ մեկը սպասեր այսպիսի ուղիղ «փոխհրաձգության» այլ առաջնորդների ներկայությամբ: Ամենայն հավանականությամբ, Ն.Փաշինյանի պատասխանը բավարար չէր, և բարեկամական երկրների որոշ լրատվամիջոցներ կորցրել են իրենց պատմական ճշմարտության հետ կապող թելը»,- գրել է Մարուքյանը, նշելով, որ հայտնի «Коммерсантъ»-ն իր հոդվածը սկսում է ակնառու մի վերնագրից, որ Կոնստանտին Սիմոնովի` պատերազմական տարիների գրած բանաստեղծություններից մեկի վերաֆրազավորումն է («Жди меня, и я вернусь»-(«Ինձ սպասիր, և ես կգամ») : Պատգամավորը հիշեցրել է «Ъ»-ի խմբագրությանը ստեղծագործության տողերը`
«Жди меня, и я вернусь,
Не желай добра
Всем, кто знает наизусть,
Что забыть пора».

«Իսկ ինչու՞ եք Դուք մոռացել:
Հիշեցնեմ: Գարեգին Նժդեհը, որի մասին շատերը երեկ արտահայտվում էին, մի անձ էր, ով ֆորպոստ էր կարծես հայ-ռուս-սլավոնական բարեկամությունը թուրքական ցանկացած հարձակման ճանապարհին: Մասնակցություն 1-ին Բալկանյան պատերազմին: Մասնակցություն Առաջին Համաշխարհային պատերազմին որպես 2-րդ կամավորական ջոկատի փոխհրամանատար Ռուսական բանակում, հետագայում` որպես հայ-եզդիական առանձին զորամասի հրամանատար»,- ավելացրել է նա:

Загружается новость ... "Право"

Մարուքյանի խոսքով, Հայոց ցեղասպանությունը` մարդկության պատմության ամենասարսափելի ողբերգություններից մեկը, որը ճանաչվել և դատապարտվել է Ռուսաստանում, ստիպեց հայրենասերին նվիրել իր կյանքը բնաջնջումից պաշտպանելուն: Երկրորդ Համաշխարհային պատերազմի սկզբում Նժդեհը սկսեց համագործակցել Գերմանիայի իշխանությունների հետ, որպեսզի գերմանացիների կողմից Անդրկովկասի բռնազավթման դեպքում կանխի Թուրքիայի հնարավոր ներխուժումը Խորհրդային Հայաստան և հնարավորության դեպքում Գերմանիայի օգնությամբ վերականգներ Հայաստանի անկախությունը:

«Հարց. ինչու՞ է այս գործակցությունը համարվում արատավոր, իսկ Ռիբենտրոպ-Մոլոտով պակտը և Հիտլերի ու Ստալինի գործակցությունը` նորմալ և միանգամայն ճիշտ:Այս հարցը չի հուզու՞մ «Կոմերսանտ»-ին»,- հարցադրել է Մարուքյանը:

Մարուքյանը հիշեցրել է պարբերականին, որ Նժդեհը դատապարտվել և նստել է խորհրդային բանտում ոչ թե նացիստների հետ իբր գործակցության, այլ հակահեղափոխական գործունեության, նախևառաջ, Զանգեզուրում «հակախորհրդական» ապստամբության և դրա ընթացքում կոմունիստների զանգվածային սպանությունների համար:

«Կուզեի իմանալ, թե որքան սպիտակ սպաներ են դատապարտվել այդ հոդվածներով: Հնարավոր է` պետք է դադարե՞լ Ռուսաստանում ֆիլմեր նկարահանել Կոլչակի մասին»,- գրել է Մարուքյանը:
Եվ վերջում պատգամավորը թվերով ներկայացրել է երկրորդ աշխարհամարտում հայերի կորուստները ֆաշիզմի դեմ պայքարում:

«Հայրենական մեծ պատերազմին մասնակցել է ավելի քան 500 հազար հայ` նրանցից 300 հազարը` Հայաստանից, մնացածը` խորհրդային այլ հանրապետություններից: Պատերազմի ժամանակ ձևավորվել է 6 հայկական հետևակային դիվիզիա: Պատերազմի տարիներին 106 էթնիկ հայեր արժանացել են Խորհրդային Միության Հերոսի կոչման»,- ընդգծել է նա, ավելացնելով նաև տվյալներ հայերի ունեցած ավանդի և պատերազմին մասնակցության մասին:

Այս համատեքստում նա չափազանց կարևորել է Հայաստանի վարչապետի խոսքերը, որոնք հնչել են ի պաշտպանություն ոչ թե առանձին, թեև ականավոր անձնավորության, այլ ի պաշտպանություն հայ զինվորի փառքի և պատվի:

«Իսկ մենք կհիշեցնենք, քանի դեռ կան նրանք, որոնք մոռանում են…»,- եզրափակել է Մարուքյանը: -0-

Թեմատիկ նյութեր
Բաժնի այլ նյութեր
20:16
07 Նոյեմբերի 2019
The Guardian. Մեծ Բրիտանիան կհետևի՞ ԱՄՆ Ներկայացուցիչների պալատի օրինակին Հայոց ցեղասպանության ճանաչման հարցում
The Guardian. Մեծ Բրիտանիան կհետևի՞ ԱՄՆ Ներկայացուցիչների պալատի օրինակին Հայոց ցեղասպանության ճանաչման հարցում:
13:50
06 Նոյեմբերի 2019
Թրամփի վարչակազմը դեմ է Հայոց ցեղասպանության բանաձևին և Թուրքիայի նկատմամբ պատժամիջոցներին. Bloomberg
Թրամփի վարչակազմը դեմ է Հայոց ցեղասպանության բանաձևին և Թուրքիայի նկատմամբ պատժամիջոցներին:
18:17
05 Նոյեմբերի 2019
Թուրք գրող Օրհան Փամուքը մեկնաբանել է հալածանքները, որոնց ենթարկվում է Հայոց ցեղասպանության մասին հայտարարության համար
Թուրք գրող Օրհան Փամուքը մեկնաբանել է հալածանքները, որոնց ենթարկվում է Հայոց ցեղասպանության մասին հայտարարության համար:
11:00
03 Նոյեմբերի 2019
New York Times–ը` Հայաստանի «թավշյա» հեղափոխության, տիրող մթնոլորտի և ԱՄՆ Ներկայացուցիչների պալատի կողմից ցեղասպանության բանաձևի ընդունման մասին
New York Times–ը հոդված է հրապարակել Հայաստանի «թավշյա» հեղափոխության, տիրող մթնոլորտի և ԱՄՆ Ներկայացուցիչների պալատի կողմից ցեղասպանության բանաձևի ընդունման մասին։
16:37
01 Նոյեմբերի 2019
Զոհրաբ Մնացականյանը բացահայտել է Լավրովի այցի օրակարգը
Զոհրաբ Մնացականյանն ուրբաթ լրագրողների հետ զրույցում բացահայտեց իր ռուս գործընկերոջ` Սերգեյ Լավրովի այցի օրակարգը:
13:14
01 Նոյեմբերի 2019
ՌԴ Պետդումայի խոսնակը կայցելի Հայաստան
Նախատեսված են երկկողմ հանդիպումներ:
11:00
01 Նոյեմբերի 2019
Մնացականյան–Մամեդյարով հանդիպման ակնկալիքները. պատմել է ԵԱՀԿ գլխավոր քարտուղարը
Սերգեյ Լավրովը և ԵԱՀԿ գլխավոր քարտուղար Թոմաս Գևեմինգերը նախօրեին տարվա ընթացքում երկրորդ անգամ բանակցություններ են անցկացրել Մոսկվայում։
21:02
31 Հոկտեմբերի 2019
ԱՄՆ–ն սատարում է Հայաստանի ժողովրդավարական և տնտեսական բարեփոխումներին
Վարչապետ Նիկոլ Փաշինյանն այսօր ընդունել է Հայաստանում ԱՄՆ դեսպան Լին Թրեյսիին։
19:24
31 Հոկտեմբերի 2019
Փաշինյան–Մեդվեդև հեռախոսազրույց. քննարկվել է պայմանավորվածությունների իրականացման ընթացքը
Վարչապետ Նիկոլ Փաշինյանը հեռախոսազրույց է ունեցել Ռուսաստանի Դաշնության կառավարության նախագահ Դմիտրի Մեդվեդևի հետ:
18:02
31 Հոկտեմբերի 2019
«Դա պատմական ճեղքում է հայերի համար». Սոլովյովը` ԱՄՆ-ում Հայոց ցեասպանությունը ճանաչող բաձևի ընդունման մասին (ՎԻԴԵՈ)
Սոլովյովը նշել է, որ բազմաչարչար հայ ժողովուրդի համար ԱՄՆ-ում տեղի ունեցածը, անկասկած, մեծ ուրախություն է:
15:33
31 Հոկտեմբերի 2019
ԱՄՆ–ն օգտագործում է Հայկական հարցը Թուրքիայի վրա ճնշում գործադրելու համար. Սաֆրաստյան
Արևելագիտության ինստիտուտի տնօրեն, թուրքագետ Ռուբեն Սաֆրաստյանը կարծում է, որ ԱՄՆ–ն օգտագործում է Հայկական հարցը Թուրքիայի վրա ճնշում գործադրելու համար։
18:27
30 Հոկտեմբերի 2019
Ինչու ԱՄՆ–ն ընդունեց Հայոց ցեղասպանության ճանաչման բանաձևը և ինչու է այն պատմական. պարզում է ՏԱՍՍը
ԱՄՆ Կոնգրեսի ներկայացուցիչների պալատը ձայների մեծամասնությամբ ընդունեց Օսմանյան կայսրությունում հայոց ցեղասպանությունը ճանաչող բանաձևը։