Լիլիթ Մակունցը կհեռացվի պաշտոնից. այդ պաշտոնի համար արդեն նոր թեկնածու կա

ԵՐԵՎԱՆ, 23 նոյեմբերի. /Նովոստի–Արմենիա/. Հայաստանի մշակույթի նախարարի պաշտոնակատար Լիլիթ Մակունցի դեմ հանրային բողոքի մեծ ալիք է բարձրացել։ Մի շարք մշակութային գործիչներ և քաղաքացիներ պահանջում են, որ նա հեռանա պաշտոնից։

Այս ամենի ֆոնին պարզվում է` «վերևներում» ամեն ինչ արդեն որոշված է, գրում է «Իրավունք» թերթը։

Պարբերականի տեղեկություններով, իշխանությունը որոշել է արտահերթ խորհրդարանական ընտրությունները բարեհաջող անցնելու դեպքում, նոր ձևավորվող կառավարությունում առաջին հերթին ազատվել Մակունցից։

«Ավելին, այս պաշտոնում նրանք ունեն, ըստ իրենց, ավելի պատրաստված նոր թեկնածու, ով արդեն սկսել է ուսումնասիրել ոլորտը»,– ասվում է գրառման մեջ։

Այսպիսով, ինչպես նշում է թերթը, Լիլիթ Մակունցի վերջին հույսը մնում է պատգամավոր դառնալը, ինչի համար էլ առաջադրվել է, իսկ «մշակույթը կսպասի»,– գրում է թերթը։ -0-